ភ្នំពេញ៖ កម្លាំងល្បាតរបស់នគរបាលប៉ុស្តិ៍រដ្ឋបាលផ្សារដេប៉ូទី២ ខណ្ឌទួលគោក បានឃាត់ខ្លួន ជនសង្ស័យចំនួន ០៣នាក់ជាក់ស្តែង ( ១នាក់រក្សាទុក និង២នាក់ ប្រើប្រាសមដោយខុសច្បាប់នូវសារធាតុញៀន ) កាលពីវេលាម៉ោង២និង៣៥នាទីរំលងអធ្រាត្រថ្ងៃទី២១ ខែមករា ឆ្នាំ២០១៧ នៅចំណុចមុខផ្ទះលេខ១៩សេអឺ០ ផ្លូវលេខ ១៥០ ក្រុមទី៣៦ ភូមិ១០ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។
ជនសង្ស័យ ១-ឈ្មោះ គៀត គូ ហៅ ទូ ភេទប្រុស អាយុ ២៩ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ ៦៥បេអឺ១ ផ្លូវលេខ២២៥ ក្រុមទី៣១ ភូមិ១១ សង្កាត់ ផ្សារដេប៉ូទី១ ខណ្ឌទួលគោក ( ម្ចាស់គ្រឿងញៀន ជាអ្នករក្សាទុក ) ។ ២-ឈ្មោះ អៀង ដារ៉ូ ភេទប្រុស អាយុ ២៥ឆ្នាំ ជនជាតិ ខ្មែរ មុខរបរ ពុំពិតប្រាកដ ស្នាក់នៅផ្ទះលេខ១៥អឺ០ ផ្លួវ លេខ១៩៦ សង្កាត់វាលវង់ ខណ្ឌ៧មករា រាជធានីភ្នំពេញ ( ជាអ្នកប្រើប្រាស់) ។ ៣-ឈ្មោះប៊ុន ខេម ហៅខេម ភេទប្រុស អាយុ២៦ឆ្នាំ មុខរបរ ពុំពិតប្រាកដ ស្នាក់នៅក្នុង ឡនំប៉័ង ផ្លូវលេខ២២១ សង្កាត់ផ្សារដេប៉ូទី១ ខណ្ឌទួល គោក រាជធានីភ្នំពេញ ( ជាអ្នកប្រើប្រាស់) ។ វត្ថុតាងដែលបានចាប់យក ៖ ក្រាមពណ៌សថ្លា ១ កញ្ចប់តូច ( សង្ស័យជាគ្រឿងញៀន ) ។
បច្ចុប្បន្នជនសង្ស័យទាំង៣នាក់ខាងលើកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់ ៕ ស តារា
