ភ្នំពេញ៖ ហេតុការណ៍ភ្ញាក់ផ្អើលមួួយ បានកើតឡើងបន្ទាប់ពីមានអគ្គីភ័យឆេះតូបលក់ដូរយ៉ាងសន្ធោសន្ធៅនៅក្នុងផ្សារកណ្ដាលទាំងព្រលឹមអស់១៩តូប ប៉ុន្តែសំណាងល្អអាជ្ញាធរខណ្ឌដូនពេញអន្តរគមន៍ជាមួយនិងនគរបាលការិយាល័យពន្លត់អគ្គីភ័យក្រុងមកបាញ់ទាន់ពេលវេលាផងដែរ ។
ករណ៍ភ្លើងឆេះតូបលក់ដូរខាងលើនេះ. បានកើតឡើងវេលាម៉ោង៤និង១៥នាទីទៀបភ្លឺ ថ្ងៃទី២៣ ខែមករា ឆ្នាំ២០១៧ នៅចំណុចទីរួមផ្សារកណ្តាល ស្ថិតនៅក្នុងសង្កាត់ផ្សារកណ្តាលទី១ ខណ្ឌដូនពេញ ។
តាមប្រភពព័ត៌មានពីអាជ្ញាធរខណ្ឌដូនពេញ បានឲ្យដឹងថា ករណីអគ្គីភ័យខាងលើនេះ គេឃើញលោកសុខ ពេញវុធ អភិបាលខណ្ឌដូនពេញ លោកហួត ចាន់យ៉ារ៉ាន់ អធិការខណ្ឌដូនពេញនិងលោកចាប ឌីណា ប្រធានផ្សារកណ្ដាលចុះទៅជួយអន្តរគមន៍ភ្លាមៗ ដោយសហការជាមួយកម្លាំងនគរបាលពន្លត់អគ្គីភ័យ រហូតបាញ់ពន្លត់ទៅវិញនៅវេលាម៉ោង៥ទៀតភ្លឺ ហើយករណីឆេះនេះគឺបណ្ដាលមកពីផ្ទុះសេខ្សែរភ្លេីង នៅមុខតូបលេខ៤៩ បណ្តាលអោយឆេះតូបទាំងស្រុងចំនួន១៦តូប ឆេះរោលៗ ចំនួន៣តូប សរុបចំនួន១៩តូប និងប្រេីប្រាស់រថយន្តពន្លត់អគ្គីភ័យចំនួន២៤គ្រឿង ក្នុងមាន
-រថយន្តពន្លត់អគ្គីភ័យរបស់ ស្នងការនគរបាលរាជធានីភ្នំពេញ ចំនួន១៨គ្រឿង។
-រថយន្តពន្លត់អគ្គីភ័យរបស់ក្រសួងមហាផ្ទៃ ចំនួន០៣គ្រឿង។
-រថយន្តពន្លត់អគ្គីភ័យរបស់កងរាជអវុធហត្ថរាជធានីភ្នំពេញ ចំនួន២គ្រឿង។
-រថយន្តពន្លត់អគ្គីភ័យរបស់ ក្រុមហ៊ុន ស្រាបៀកម្ពុជាចំនួន១គ្រឿង។
ប្រភពដែរបានបន្តទៀតថា តូបដែលត្រូវអគ្គីភ័យឆាប់ឆេះនោះ គឺសុទ្ធតែតូបអ៊ុតសក់និងតូបលក់គ្រឿងប្រាក់មួយតូបផងដែរ ៕ ស តារា
