ក្លិប Real Madrid ដែលជាក្រុមកំពូល តារាងអេស្ប៉ាញ La Ligaកំពុងតែរងសម្ពាធ ខ្លាំងពីក្រុមBarcelona និង Sevilla ដោយសារពួកគេមានទម្រង់លេងយ៉ាងល្អតាមពីក្រោយយ៉ាងប្រកៀកប្រកិតបំផុតក្នុងការ ដណ្តើមជើងឯកក្របខ័ណ្ឌកំពូលរបស់ អេស្ប៉ាញ ។

ខ្សែប្រយុទ្ធជួរមុខទាំង៣ Lionel Messi, Luis Suarez និង Neymar បានស៊ុតបាល់ម្នាក់មួយគ្រាប់ជួយឲ្យក្រុម Barcelona យកឈ្នះEibarដោយលទ្ធផល 4-0។ មួយគ្រាប់ផ្សេងទៀតរបស់ក្រុមBarcelonaត្រូវបានស៊ុតបញ្ចូលទីដោយកីឡាករDenis Suarez ដែលទើបតែដូរជំនួសកីឡាករ របួសSergio Busquets។

ចំណែកក្រុមយក្សមួយទៀតរបស់ អេស្ប៉ាញគឺSevillaបានយកឈ្នះលើក្រុមបាតតារាងOsasuna ដោយលទ្ធផល4-3 ហើយជ័យជម្នះនេះធ្វើឲ្យពួកគេឈរលេខរៀងទី២មាន៤២ពិន្ទុក្នុងចំណោម១៩ប្រកួត តាមពីក្រោយក្រុម Real Madrid តែមួយ ពិន្ទុប៉ុណ្ណោះ ខណៈក្រុមBarcelonaមាន ៤២ពិន្ទុតាមពីក្រោយក្រុម Real Madrid ២ពិន្ទុ ។

ប៉ុន្តែក្រុមកំពូលតារាង Real Madrid ទើបតែប្រកួតបាន១៨ប្រកួតប៉ុណ្ណោះ ពោលគឺនៅមានមួយប្រកួតក្នុងដៃទៀតប្រសិនបើពួកគេទទួលជ័យជម្នះនោះនឹងនាំមុខលើក្រុម Sevilla ចំនួន៤ពិន្ទុ ៕ ដេវីត