ខេត្តឧត្តរមានជ័យ ៖ កម្លាំងចម្រុះខេត្តរួមមាន ៖ កម្លាំងវរ៩០៥ , មេព្រៃ, មន្ទីរកសិកម្មខេត្ត បានចុះបង្រ្កាបបទល្មើសព្រៃឈើ នៅក្នុងភូមិសាស្រ្តព្រៃសហគមន៍សង្សរុក្ខវ័ន ស្ថិតក្នងភូមិទំនប់ថ្មី ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ  និងភូមិសាស្ត្រនិយាមកា 0379385 1566114 ។

ប្រតិបត្តិការនេះ ធ្វើឡើងកាលពីថ្ងៃទី២ ខែកុម្ភៈ ឆ្នាំ២០១៧ វេលាម៉ោង១២ និង៣០នាទីថ្ងៃត្រង់   ។ ក្នុងនោះកម្លាំងឃាត់មនុស្ស៣នាក់ និងឈើចំនួន២៥ដុំ ប្រភេទឈើធ្នង់ មានមុខកាត់ជាប្រភេទឈើសិប្បកម្ម ។

ជនសង្ស័យទាំង៣នាក់ ១-ឈ្មោះ ចិន វិត ភេទប្រុស អាយុ៣៥ឆ្នាំ រស់នៅភូមិអណ្តូងពោធ៍ ឃុំអណ្តូងពោធិ៍ ស្រុកបារាយណ៍ ខេត្តកំពង់ធំ , ២-ឈ្មោះ ចិន ប៊ុនហៀង ភេទប្រុស អាយុ៥២ឆ្នាំ រស់នៅភូមិទំប់ថ្មី  ឃុំត្រពាំង តាវ ស្រុកអន្លង់វែង ខេត្តឧត្តរមានជ័យ , ៣-ឈ្មោះ ងាន  រដ្ឋា  ភេទប្រុស អាយុ៥២ឆ្នាំ រស់ភូមិស្រែក្រសាំង ឃុំ ត្រពាំងប្រាសាទ ស្រុកត្រពាំងប្រាសាទ  ខេត្តឧត្តរមានជ័យ ។

បច្ចុប្បន្នជនសង្ស័យទាំង៣នាក់ រួមនិងវត្ថុតាង ត្រូវបានកម្លាំងនគរបាលការពារព្រំដែនវរ៩០៥ កសាងសំណុំរឿងបញ្ជូនទៅកាន់ស្នងការខេត្ត ដើម្បីចាត់ការបន្តតាមនីតិវិធី ៕