ខេត្តស្វាយរៀង ៖ បុរស២នាក់រងរបួសធ្ងន់ស្រាល ខណៈកំពុងជិះម៉ូតូលើកំណាត់ផ្លូវជាតិលេខ១ ត្រូវរថយន្តមិនស្គាល់ម៉ាកបើកទិសដៅបញ្រាស់គ្នាបុកពេញទំហឹងកាលពីវេលាម៉ោង៩និង១០នាទីយប់ថ្ងៃទី៨ ខែកុម្ភៈ ឆ្នាំ២០១៧ ចន្លោះគីឡូម៉ែតលេខ ១២៦/១២៧ ស្ថិតក្នុងភូមិ បាក់រនាស់ សង្កាត់ សង្ឃ័រ ក្រុងស្វាយរៀង ។
យោងតាមសមត្ថកិច្ចនគរបាលក្រុងស្វាយរៀងបានអោយដឹងថាបុរសរងគ្រោះទាំង២នាក់មានឈ្មោះសុខភក្ខីអាយុ២១ឆ្នាំមុខរបរសិស្សមានទីលំនៅភូមិមេភ្លើងសង្កាត់ក្រុងស្វាយរៀងនិងឈ្មោះជាទូចចម្រើនអាយុ២០ឆ្នាំរស់នៅភូមិអណ្ដូងឫស្សីសង្កាត់ព្រៃឆ្លាក់ក្រុងស្វាយរៀងខណះបើកបរម៉ូតូរម៉ូតូម៉ាក C១២៥ ពណ៏ ខ្មៅពាក់ផ្លាកលេខ ស្វាយរៀង ១H ៦៩៦៦ខូចខាតយ៉ាងដំណំ ។
ប្រភពបន្តថាចំណែកអ្នកបើករថយន្តមិនត្រូវស្គាល់ឈ្មោះនោះទេក្រោយកើតហេតុបានបើកគេចចេញភ្លាមៗបាត់ស្រមោលតែម្ដង។តាមសាក្សីបានអោយដឹងថាមុនកើតហេតុមានបុរស២នាក់បានជិះម៉ូតូមួយគ្រឿងលើកំណាត់ផ្លូវជាតិលេខ១ក្នុងទិសដៅពីកើតមកលិចខណះមកដល់ផ្លូវបំបែកជា៤ស្រាប់តែមានរថយន្តមួយគ្រឿងមិនស្គាល់ ដែលបើកបញ្រាស់គ្នាហើយក៏បានបត់ឆ្វេងខ្វះការប្រុងប្រយត្ន័បុកនិងម៉ូតូពេញទំហឹងលាន់សូដូចរន្ទះបណ្ដាលអោយមនុស្សនិងម៉ូតូខ្ទាតរណូករណែលពេញផ្លូវ។បន្ទាប់មកអ្នកបើករថយន្តមិនបានឈប់នោះទេបានបន្ថែមល្បឿនបើកគេចចេញពីកន្លែងកើតហេតុភ្លាមៗតែម្ដង។
ក្រោយមកប្រជាពលរដ្ឋបានរាយការណ៏មកសមត្ថកិច្ចមូលដ្ឋានដឹកជនរងគ្រោះមកកាន់មន្ទីពេទ្យខេត្តស្វាយរៀងដើម្បីសងគ្រោះជីវិត។ចំណែកម៉ូតូត្រូវបានយករក្សាទុកនៅអធិការដ្ឋានក្រុងស្វាយរៀងនិងស្រាវជ្រាវរករថយន្តបង្កហេតុើម្បីចាត់ការបន្តតាមច្បាប់ ៕
