ភ្នំពេញ៖ ស្រ្តីម្នាក់បានរងរបួសធ្ងន់ បន្ទាប់ពីជួបគ្រោះថ្នាក់ចរាចរណ៍រវាងម៉ូតូបុកម៉ូតូហើយរថយន្តប៉ែនដឹកកម្ទេចថ្មហ្វ្រាំងមិនទាន់ជ្រុលទៅបុកស្ត្រីអ្នកបើកម៉ូតូរបួសបាក់ជើងទាំងសងខាង ហើយអ្នកបើកបរចុះរត់គេចខ្លួនបាត់។

ករណីនេះកើតឡើងនៅវេលាម៉ោង៨និង៥០នាទីព្រឹកថ្ងៃទី១០ ខែកុម្ភៈ ឆ្នាំ២០១៧ នៅចំណុចផ្លូវ២៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

បើតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញម៉ូតូម៉ាកហុងដាZoomer-X ពណ៌ស បើកបើកបរដោយស្ត្រីម្នាក់(ជនរងគ្រោះ)ក្នុងទិសដៅពីត្បូងទៅជើងស្របទិសជាមួយម៉ូតូមួយគ្រឿងទៀតម៉ាកធូដេ បានទាក់ដៃចង្កូតគ្នាបណ្ដោលឲ្យដួលទៅលើថ្នល់ស្រាប់តែមានរថយន្តបែនដឹកកម្ទេច១គ្រឿង ពណ៌ស ពាក់ស្លាកលេខភ្នំពេញ3D-2045 ចាប់ហ្វ្រាំងមិនទាន់ជ្រុលទៅបុកម៉ូតូម៉ាកZoomer-X ស្រ្តីម្នាក់បណ្ដោយឲ្យរងរបួសបាក់ជើងទាំងសងខាង ហើយអ្នកបើកបររថយន្តចុះរត់គេចខ្លួនបាត់ស្រមោល  ។

ក្រោយពេលកើតហេតុជនរងគ្រោះដែលរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ចំណែករថយន្តបង្កនិងម៉ូតូត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌចំការមនដើម្បីរងចាំដោះស្រាយនៅពេលក្រោយ៕ ស រស្មី