ខេត្តស្វាយរៀង ៖ មានការភ្ញាក់ផ្អើលដល់អ្នកភូមិក៏ដូចជាអ្នកធ្វើដំណើរឆ្លងកាត់លើកំណាត់ផ្លូវជាតិលេខ១ចោមរោមមើលយ៉ាងច្រើនកកុញខណះស្ត្រីម្នាក់ដែលជាអ្នកបើករថយន្តឈ្នួលបានឈប់ចតលើថ្នល់ទទឹងទិសបង្កអោយអោយស្ទះចរាចរណ៏ហើយសមត្ថកិច្ចនគរបាលបានមកសួរនាំនិងអោយរថយន្តថយប៉ុន្តែមិនស្ដាប់បែរជាជេស្ដី ពេញពេញមាត់ទើបសមត្ថកិច្ចឃាត់មកសាកសួរនៅអធិការនគរបាលស្រុកស្វាយទាប។

ហេតុការណ៏នេះបានកើតឡើងកាលពីវេលាម៉ោង៨ព្រឹកថ្ងៃទី១២ខែកុម្ភះឆ្នាំ២០១៧ស្ថិតក្នុងភូមិប្រសូត្រ២ឃុំកណ្ដៀងរាយស្រុកស្វាយទាប។សមត្ថកិច្ចនគរបាលស្រុកបានអោយដឹងថាស្ត្រីដែលបើករថយន្តឈ្នួលមានឈ្មោះភាអាយុប្រមាណ ៣៧ឆ្នាំមុខរបរបើករថយន្តឈ្នួលមានទីលំនៅភូមិពោធិឃុំមេសរថ្ងកស្រុកចន្ទ្រាដោយបើករថយន្តម៉ាកសាំយ៉ុងពណ៏លឿងពាក់ស្លាកលេខភ្នំពេញ២AH៩៤៤៧ ខណះផ្ទុកមនុស្សជាច្រើននាក់ផងដែរ។

យោងតាមអ្នកភូមិបានអោយដឹងថាមុនកើតហេតុមានរថយន្តម៉ាកសាំយ៉ុងពណ៏លឿងមួយគ្រឿងដោយធ្វើដំណើរពីកើតមកលិចលើកំណាត់ផ្លូវជាតិលេខ១ខណះនោះស្រាប់តែឈប់ចតទទឹងទិសលើក្បាលស្ពានប្រសូត្រប៉ះពាល់សណ្ដាប់ធ្នាប់ទើបសមត្ថកិច្ចនគរបាលចរាចរណ៏ប្រចាំការក្បែនោះបានមកសួនាំស្រាប់តែស្ត្រីខាងលើជេដៀលសមត្ថកិច្ចនិងអ្នកកាសែតពេញពេញមាត់បង្កអោយមានការកកស្ទះចរាចរណ៏ទើបសមត្ថកិច្ចទ្រាំមិនបានក៏បានឃាត់ខ្លួនស្ត្រីនោះមកកាន់អធិការដ្ឋាននគរបាលស្រុកស្វាយទាបដើម្បីសាកសួរ។រហូតមកដល់វេលាម៉ោង២រសៀលនេះលោកកែវសុភណ្ឌ័អធិការនគរបាលស្រុកស្វាយទាបបានអោយដឹងថាស្ត្រីខាងលើនេះសមត្ថកិច្ចបានធ្វើការអប់រំនិងបានធ្វើកិច្ចសន្យាណែនាំពីច្បាប់ចរាចរណ៏ដល់ស្ត្រីនេះព្រមទាំងអោយវិលត្រលប់ទៅដឹកម៉ូយវិញផងដែរ។ ៕