ខេត្តប៉ៃលិន ៖ កម្លាំងនគរបាលប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តប៉ៃលិន សហការជាមេប៉ុស្តិ៍អូរតាវ៉ៅ ដឹកនាំបញ្ជាផ្ទាល់ដោយលោកវរសេនីយ៍ទោ ផង់ ជឿម នាយការិយាល័យប្រឆាំងបទល្មើសគ្រឿងញៀន បានចុះធ្វើការបង្ក្រាបករណីជួញដូរ និងរក្សាទុកថ្នាំញៀន១កន្លែង ស្ថិតនៅក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ដោយបានធ្វើការឆែកឆេរឃាត់ខ្លួនជនសង្ស័យបានម្នាក់ រួមមកនឹងវត្ថុតាង យ៉ាម៉ា ប្រភេទ WY ៥៩៩គ្រាប់ និងម្សៅពណ៍សថ្លា ម៉ាទឹកក (ICE) ចំនួន ៩កញ្ចប់ធំ ព្រមទាំងជញ្ជីងសម្រាប់ថ្លឹងគ្រឿងញៀន១គ្រឿង។
ក្រោយពីការចាប់ឃាត់ខ្លួនស្ត្រីជាជនសង្ស័យបានវត្តុតាងបន្ទាប់មក កាលពីថ្ងៃទី១២ ខែកុម្ភៈ ឆ្នាំ២០១៧ រួចមកដល់ថ្ងៃទី១៣កុម្ភៈឆ្នាំ២០១៧ សមត្ថកិច្ចនគរបាលចម្រុះក៏បានយកស្ត្រីម្នាក់ដែលបានឃាត់ខ្លូនយកទៅចង្អុលបង្ហាញរកមុខជនសង្ស័យបានចែកចាយ លក់ដូរឲ្យ បន្ទាប់មកក៏ចាប់ឃាត់ខ្លួនបានជនសង្ស័យ៣នាក់ ទី1-ឈ្មោះគឹម សារឿន ភេទប្រុស អាយុ៣៥ឆ្នាំ មុខរបរអារឈើលក់ រស់នៅភូមិអូរប្រើស សង្កាត់អូរតាវ៉ៅ ក្រុង ខេត្តប៉ៃលិន (ប្រើប្រាស់គ្រឿងញៀន) ទី២-ឈ្មោះ សុង ទុយ ហៅទីទុយ ភេទប្រុស អាយុ២០ឆ្មាំកម្មករ រស់នៅភូមិអូរឈើគ្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ប្រើប្រាស់គ្រឿងញៀន) ទី៣-ឈ្មោះភួន សាំង ហៅតោ ភេទប្រុសអាយុ ៣០ឆ្នាំ មុខរបរធ្វើចំការ មានទីលំនៅភូមិអូរតាវ៉ៅ សង្កាត់អូរតាវ៉ៅ ក្រុង ខេត្តប៉ៃលិន (ប្រើប្រាស់គ្រឿងញៀន) ។
ហេតុការណ៍នេះបានកើតឡើងនៅវេលាម៉ោង១០និង១៥ថ្ងៃទី១២ រហូតមកដល់ថ្ងៃទី១៣ខែកុម្ភះឆ្នាំ២០១៧ចាប់បានស្ត្រីម្នាក់ឈ្មោះខាងក្រោមនេះឆែកឆេរគ្រឿងញៀនស្ថិតនៅជិតផ្ទះស្ត្រីជនសង្ស័យម្នាក់ ក្នុងភូមិក្បាលព្រលាន សង្កាត់អូរតាវ៉ៅក្រុងប៉ៃលិន ខេត្តប៉ៃលិន ។
លោកវរៈសេនីយ៍ទោ ផង់ ជឿម នាយការិយាល័យប្រឆាំងបទល្មើសគ្រឿងញៀនបានឱ្យដឹងថា៖ មុននិងចុះចាប់ឃាត់ខ្លួនស្ត្រីសង្ស័យម្នាក់និង ដោយសារ ក្រុម ការចុះស្រាវជ្រាវបានផ្តល់ព័ត៌មានសម្ងាត់ឲ្យមកលោកផ្ទាល់ និងលោក ថុល គឹមហ៊ឹង ព្រះរាជអាជ្ញារង លោក ហោ គាលេង ជាចៅក្រមសាលាដំបូងខេត្ត បានចុះឆែកឆេ ផ្ទះជនសង្ស័យក៍ប្រទះឃើញ វត្ថុតាងគ្រឿងញៀនមួយចំនួនធំ ហើយក៍ធ្វើការឃាត់ខ្លួនស្ត្រីជនសង្ស័យតែម្តង។
លោកបានបន្តថា ជនសង្ស័យដែលសមត្ថកិច្ចឃាត់ខ្លួនមានឈ្មោះ ហ៊ុយ ច្រឹប ភេទស្រី អាយុ ៤០ឆ្នាំ រស់នៅភូមិឃុំកើតហេតុខាងលើ មុខ របរមិនពិតប្រាកដ ទើបតែចេញពីពន្ធនាគារកាលពីខែសីហា ឆ្នាំ២០១៦ ពីបទចែកចាយគ្រឿងញៀន ត្រូវជាប់ពន្ធនាគារ ៣ឆ្នាំ។ ក្នុងការចុះបង្ក្រាបថ្នាំញៀននេះ កម្លាំងនគរបាលការិយាល័យប្រឆាំងបទល្មើសគ្រឿងញៀនខេត្តប៉ៃលិន បានសហការជាមួយកម្លាំងប៉ុស្ថិ៍អូរតាវ៉ៅ បានទទួលពីកម្លាំងស្រាវជ្រាវបានផ្ដល់ព័ត៍មាន បន្ទាប់មកក៏ចុះចាប់ឃាត់ខ្លួនហើយរុករកឆែកឆេរ រកឃើញថ្នាំញៀននៅដែលជនសង្ស័យ យកទៅរក្សាទុក្ខនៅក្រោមថ្មដែលគេចាក់សាប រួចមកកម្លាំងក៏រកឃើញរឹបអូសយកវត្តុតាងរួមមានថ្នាំប្រភេទ យ៉ាម៉ា WY ៥៩៩គ្រាប់ និង មៅពណ៍ សថ្លា ម៉ាទឹកក(ICE) ចំនួន៩កញ្ចប់ធំ ក្នុងដែលក៏មានជញ្ជីងសម្រាប់ថ្លឹងថ្នាំញៀនមាន១គ្រឿង។
បច្ចុប្បន្នជនសង្ស័យទាំង៤នាក់ ត្រូវបានសមត្ថកិច្ចជំនាញកំពុងសួរនាំរួចក៏បញ្ជូននៅការិយាល័យនគរបាលប្រឆាំងបទល្មើសគ្រឿងញៀននៃស្នងការខេត្តប៉ៃលិន បន្ទាប់សមត្ថកិច្ចនគរបាលខេត្តក៏បានកសាងសំណុំរឿងបញ្ជូនបន្តទៅសាលាដំបូងខេត្តប៉ៃលិនដើម្បីចាត់ការទៅតាមនិតិវិធី ៕ ស សារ៉េត
