ភ្នំពេញ៖ យ៉ាងហោចណាស់មានមនុស្ស២នាក់រងរបួសធ្ងន់ធ្ងរដោយសារបុរសម្នាក់ជិះម៉ូតូបញ្ច្រាសទិសដៅចរាចរណ៍បំណងឆ្លងផ្លូវត្រូវម៉ូតូមួយគ្រឿងទៀតបុកចំពីមុខពេញទំហឹងប កាលពីវេលាម៉ោង១និង២០នាទីរំលងអធ្រាត្រថ្ងៃទី១៦ ខែកុម្ភៈឆ្នាំ២០១៧ នៅចំណុចខាងមុខផ្ទះលក់គ្រឿងបន្លាស់ត្រាក់ទ័រ យីហោ សាម.ងន់ តាមបណ្ដោយផ្លូវលេខ៧០ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ក្រ.ព្រះសីហនុ1A-4160 ជិះបញ្ច្រាសទិសចរាចរណ៍បំណងឆ្លងផ្លូវ ខណៈពេលដែលកំពុងតែឆ្លងស្រាប់តែមានម៉ូតូមួយគ្រឿងទៀតជិះក្នុងល្បឿនលឿនបុកចំពីមុខពេញទំហឹងបណ្ដាលឲ្យរងរបួសធ្ងន់ទាំង២នាក់តែម្តង។

ក្រោយពីកើតហេតុជនរងគ្រោះទាំង២នាក់ត្រូវបានរថយន្ដសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យ ចំណែកម៉ូតូទាំង២គ្រឿងសមត្ថធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌដូនពេញដើម្បីដោះស្រាយតាមនីតិវិធីច្បាប់៕ សុខាសែនជ័យ