កីឡាករ Andy Carroll របស់ក្លិបញញួរ ធំWestHam United បានឈ្នះពានជា កីឡាករស៊ុតបាល់បញ្ចូលទីល្អបំផុតប្រចាំខែ មករា ឆ្នាំ២០១៧ (Goal of the Month) កន្លងទៅនេះអំឡុងពេលយកឈ្នះក្រុម Crystal Palace នៅក្នុងផ្ទះខ្លួនឯងដោយ លទ្ធផល 3-0 និងជាគ្រាប់ទី២នៅក្នុងការប្រកួតនោះល្អជាងគ្រាប់បាល់ស៊ុតបញ្ចូលទីក្បាច់ខ្យាដំរីរបស់កីឡាករ Olivier Giroud របស់ក្រុមកាំភ្លើងធំ Arsenal និង Henrikh Makhitaryan របស់Manchester United ផងដែរ ។

អតីតខ្សែប្រយុទ្ធរបស់ក្រុម Newcastle United, Liverpool វ័យ២៨ឆ្នាំរូបនេះធ្វើបានយ៉ាងល្អដោយហក់ទាត់បកត្រលប់ក្រោយ ឬពាក្យអ្នកលេងបាល់ទាត់គេនិយមហៅ (ស៊ីហ្សូ)នោះ។ Carroll បាននិយាយថា «ខ្ញុំមានទំនាក៉ទំនងល្អ និងការយល់ចិត្តគ្នានៅក្នុងក្រុមខ្ញុំរីករាយនិងសប្បាយចិត្តដែល បានឈ្នះពានរង្វាន់ប្រកបទៅដោយការ ប្រកួតប្រជែងមួយនេះ» ៕ ដេវីត