ខេត្តសៀមរាប៖ កាលពីវេលាម៉ោង១១និង១៥០នាទីព្រឹកថ្ងៃទី២ ខែមីនា ឆ្នាំ២០១៧ កម្លាំងការិយាល័យប្រឆាំងបទល្មើសគ្រឿងញៀនបានសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ជ្រាវនិងប្រជាការពារភូមិបានចុះបង្ក្រាបករណីរក្សាទុកដឹកជញ្ជូន និងជួញដូរសារធាតុញៀនដោយខុសច្បាប់ នៅភូមិវាល សង្កាត់ជ្រាវ ក្រុង-ខេត្តសៀមរាប។
តាពប្រភពព័ត៌មានពីសមត្ថកិច្ចនគរបាលបានឲ្យដឹងថា ការឃាត់ខ្លួនជនសង្ស័យ៣នាក់ខាងលើ ទី១ឈ្មោះ ស៊ិន ស្រីម៉ៅ ភេទស្រីអាយុ១៧ឆ្នាំ មុខរបរគ្មានទីលំនៅ ភូមិវាល សង្កាត់ជ្រាវ ក្រុង-ខេត្តសៀមរាប(រក្សាទុក ដឹកជញ្ជូននិងជួញដូរ) ទី២ឈ្មោះ សុខ រតនៈ ភេទប្រុស អាយុ៣០ឆ្នាំ មុខរបរគ្មាន ទីលំនៅភូមិវាល សង្កាត់គោកចក ក្រុង ខេត្តសៀមរាប (រក្សាទុកដឹកជញ្ជូននិងជួញដូរ) និងទី៣ឈ្មោះ ឃ្លោក សុធារ៉ា ហៅម៉ាប់ ភេទប្រុស អាយុ២៣ឆ្នាំ មុខរបរជាងកាត់ដេរ ទីលំនៅភូមិត្រពាំងសេះ សង្កាត់ គោកចក ក្រុង-ខេត្តសៀមរាប(ចាត់ចែង) អ្នកទាំង៣នាក់មានផ្ទុកសារធាតុញៀន) និងដកហូតវត្ថុតាងរួមមាន៖ ម្សៅមេតំហ្វេតាមីន ប្រភេទទឹកកក ចំនួន៣កញ្ចប់ធំ ស្មើទម្ងន់៨០.៣ក្រាម, ជញ្ជីងថ្លឹងថ្នាំញៀន១គ្រឿង, ទូរស័ព្ទដៃចំនួន៤គ្រឿង ,ម៉ូតូ១គ្រឿងម៉ាករីបែល ពណ៌ខ្មៅ,ដាវដែក១ដើម រួមទាំងឧបករណ៍ប្រើប្រាស់និងសម្ភារវេចខ្ចប់ថ្នាំញៀនមួយចំនួនទៀត។
ក្រោយពីឃាត់ខ្លួនជនសង្ស័យសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី៕ ប៊ុន រិទ្ធី
