ខេត្តកំពង់ចាម ៖ បុរសម្នាក់បានស្លាប់បាត់បង់ជីវិតយ៉ាងអណោចអធ័ម ខណៈជិះម៉ូតូឌុបឪពុកពីក្រោយហើយមកដល់ផ្លូវកោងជ្រុលទៅបុករថយន្ត។

ហេតុការនេះកើតឡើងនៅវេលាម៉ោង៨និង១៥នាទី ថ្ងៃទី៨ ខែមិនា ឆ្នាំ២០១៧ នៅលើកំណា ត់ផ្លូវជាតិលេខ៧ ចំណុចស្ពានអូរដា ស្ថិតក្នុងភូមិអូរដា ឃំុត្រពាំងព្រះ ស្រុកព្រៃឈរ ខេត្តពង់ចាម។

លោកវរសេនីយន៍ កែវ ស៊ាងហ៊ាន់ អធិការនគរបាលស្រុកព្រៃឈបានឲ្យដឹងថា មានករណីគ្រោះថ្នាក់ចរាចរណ៍មួយកើត ឡើងរវាងម៉ូតូម៉ាកហុងដា125 ពណ៌ខ្មៅពាក់ស្លាកលេខ កំពង់ចាម 1I.9972 បើកបរដោយ ឈ្មោះ ថេង វាសនា ភេទប្រុសអាយុ 30ឆ្នាំមានទីលំនៅភូមិកោះប៉ែន(ខ)ឃុំកោះមិត្ត ស្រុកកំពង់សៀម ខេត្ត កំពង់ចាម(ស្លាប់) បានឌុបឪពុកបង្កើតពីក្រោយ បើកពីកើតមកលិច ហើយបានបុកជាមួយរថយន្ដ ម៉ាកហីុយានដាយ ពណ៌សពាក់ស្លាកលេខកំពង់ចាម3A.5345 អ្នក បើកបរមិនស្គាល់ឈ្មោះ(គេចខ្លួនបាត់) ដែលបើកក្នុងទិសដៅបញ្ច្រាសទិសគ្នា។

លោកបន្តថា ករណីនេះបណ្ដាលអោយស្លាប់មនុស្ស01នាក់ប្រុស របួសមនុស្ស01នាក់ប្រុសធ្ងន់ ខូចខាតម៉ូតូ01គ្រឿង លក្ខណៈធ្ងន់ រថយន្ដ01គ្រឿងលក្ខណៈស្រាល។ មូលហេតុអ្នកបើកបរម៉ូតូប្រើប្រាស់ល្បឿនលឿននៅកន្លែងផ្លូវកោង ៕ វណ្ណះ