ខេត្តបន្ទាយមានជ័យ ៖ លំនៅឋានប្រជាពលរដ្ឋចំនួន៧ខ្នង ស្ថិតក្នុងស្រុកចំនួន២ ខេត្តបន្ទាយមានជ័យ បានដួលរលំដោយសារខ្យល់កន្ត្រាក់វាយបោកបក់ កាលពីវេលាម៉ោង៧ និង២៥នាទី ថ្ងៃទី៨មីនា ឆ្នាំ២០១៧ ។

ក្នុងនោះភូមិចំនួន២ គឺភូមិរបើកស្វាយ និងខ្វាវលិច ស្ថិតក្នុងស្រុកស្វាយចេក បានទទួលរង ខ្យល់បក់បោកខ្លាំងបំផ្លាញផ្ទះចំនួន៦ខ្នង និងភូមិអូរបីជាន់ ស្ថិតក្នុងស្រុកអូរជ្រៅបំផ្លាញ ផ្ទះ១ខ្នង

កម្លាំងនគរបាលស្នងការដ្ឋានខេត្តក៏បានចេញអន្តរាគមន៍ជួយជួសជុលផងដែរ ។  យ៉ាងណាក្នុងហេតុការណ៍នេះ មិនមានប្រជាពលរដ្ឋ ណាម្នាក់រងរបួសនោះទេ ។ ប៉ុន្តែលំនៅឋានប្រជាពលរដ្ឋចំនួន៧ខ្នងបានរងការខូចខាតធ្ងន់ធ្ងរ ៕ ជាយក្រុង