ក្លិបមាន់ខ្នាយមាស Spurs បានបន្តកុងត្រាថ្មីសម្រាប់ខ្សែការពារស្លាបឆ្វេងកីឡាករBen Davies សញ្ជាតិវេលដែលបានធ្វើឲ្យម្ចាស់ក្លិបក៏ដូចជាគ្រូបង្វឹកចាប់អារម្មណ៍យ៉ាងខ្លាំងពីទម្រង់លេងរបស់គេស្របពេល ដែលជម្រើសទី១ Danny Rose ហាក់មិនទាន់ ច្បាស់លាស់ពីអនាគតនៅជាមួយនឹងក្លិបនៅឡើយនោះ ។

ប្រព័ន្ធផ្សព្វផ្សាយអង់គ្លេសបានឲ្យដឹងកាលពីថ្ងៃទី៧ ខែមីនាថា កីឡាករBen Davies និងក្លិបមាន់ខ្នាយមាសទើបតែបានឈានទៅសម្រេចដល់ការចុះកុងត្រាថ្មី រយៈពេល៤ឆ្នាំដែលមានតម្លៃជាទឹកប្រាក់ រហូតដល់១២លានផោនសម្រាប់កីឡាករ រូបនេះ។ នេះមានន័យថា កីឡាករវ័យ២៣ ឆ្នាំរូបនេះនឹងត្រូវនៅបន្តជាមួយនឹងក្លិប រហូតដល់ឆ្នាំ២០២០ដោយមានប្រាក់ កម្រៃខ្លួនប្រមាណជា៦០.០០០ផោនក្នុងមួយសប្តាហ៍ ។

សូមបញ្ជាក់ថា ក្លិបមាន់ខ្នាយមាសកំពុង តែមានទម្រង់លេងយ៉ាងល្អដោយកំពុងឈរនៅលេខរៀងទី២នៅលីកកំពូលអង់ គ្លេស ប៉ុន្តែចាញ់ក្រុមកំពូលតារាងតោខៀវ រហូតដល់១០ពិន្ទុឯណោះ។ ក្លិបមាន់ខ្នាយមាសត្រូវបានគេមើលឃើញថា ជាក្លិបដែល ជោគជ័យមួយដែរនៅអង់គ្លេសដោយបានចំណាយប្រាក់តិច ប៉ុន្តែកីឡាករសុទ្ធតែ មានសមត្ថភាពខ្ពស់ ៕ ដេវីត