ខេត្តកណ្តាល ៖ កម្លាំងសមត្ថកិច្ចជំនាញនគរបាលស្រុកកោះធំ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធនិងករណីជួញដូរ និងចែក ចាយថ្នាំញៀនយ៉ាងសកម្ម កាលពីវេលាម៉ោង០០និង៣០នាទី យប់ថ្ងៃទី១៣ ខែមីនា ឆ្នាំ២០១៧ ស្ថិតនៅក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្ដាល ។

សមត្ថកិច្ចនគរបាលស្រុកកោះធំបានឲ្យដឹងថា ជនសង្ស័យឈ្មោះ ឌុល ស៊ីថេត ហៅ យួន  ភេទប្រុស អាយុ ២៣ឆ្នាំ ជនជាតិខ្មែរ មានទីលំ នៅភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល មុខរបរមិនពិតប្រាកដ ។

ក្នុងនោះ សមត្ថកិច្ចដកហូតបានវត្ថុតាងរួមមាន ៖

១-ក្រាមពណ៌សថ្លាសង្ស័យសារធាតុញៀន (ម៉ាទឹកកកIce) ចំនួ០៣កញ្ចប់តូច

២-ទូរសព្ទ័អុិនចុចពិលចំនួន០១គ្រឿង

៣-ប្រាក់រៀលចំនួន៥៣,៥០០ រៀល

៤-កាបូបដៃចំនួន ០១

៥-មួកកាតិប ចំនួន ០១

ការឃាត់ខ្លួនជនសង្ស័យខាងលើ គឺកម្លាំងសមត្ថកិច្ចជំនាញនគរបាលស្រុកកោះធំ បានចល័តល្បាតក្នុងភូមិ សាស្ត្រខ្លួន  រហូតដល់ចំណុច ឃុំសំពៅពូន ខណៈនោះបានទទួលព័ត៌មានពីសកម្មភាពលក់ និងចែកចាយគ្រឿង ញៀនយ៉ាងសកម្មនៅចំណុចភូមិជ្រៃធំ ឃុំសំពៅពូន ស្រុកកោះធំ ខេត្តកណ្ដាល ។ សមត្ថកិច្ចជំនាញបាន សហការជាមួយកម្លាំងនគរបាលប៉ុស្ដិ៍សំពៅពូន ចុះស្រាវជ្រាវរហូតដល់ចំណុចកើតហេតុខាងលើ  ក៏បានជួបមុខ សញ្ញាសង្ស័យម្នាក់ឈ្មោះ ឌុល ស៊ីថេត ភេទប្រុស អាយុ២៣ឆ្នាំ រួចបានសួរនាំជនសង្ស័យ និងឆែកឆេររក ឃើញថ្នាំញៀន ម៉ាទឹកកក ចំនួន០៣កញ្ចប់តូចដែលមាននៅជាប់ក្នុងមួករបស់ជនសង្ស័យ  ។

ជនសង្ស័យ ឈ្មោះ ឌុល ស៊ីថេត និងវត្ថុតាងថ្នាំញៀនមកកាន់អធិការដ្ឋាននគរបាលស្រុកកោះធំ ដើម្បីធ្វើការ សាកសួរ និងចាត់ការបន្តតាមនីតិវិធី ។

នៅចំពោះមុខសមត្ថកិច្ច ជនសង្ស័យឈ្មោះ ឌុល ស៊ីថេត បានសារភាពថា ថ្នាំញៀនចំនួន០៣កញ្ចប់តូច ខាង លើនេះ គឺពិតជារបស់ខ្លួនបានទិញយកមកទុកលក់ និងចែកចាយបន្តប្រាកដមែន ៕ ស្អាងជ័យ