ក្លិបតោខៀវ Chelsea និងក្លិបមេឃខៀវ Manchester City ដែលជាក្លិបធំនៅអង់គ្លេសបានត្រៀមដេញថ្លៃយកខ្សែបម្រើស្លាប សញ្ជាតិបារាំងរបស់ក្រុម Bayern Munich គឺកីឡាករ Kinglsey Coman នៅក្នុងតម្លៃ ៤៣លានផោន។
ក្លិបតោខៀវដឹកនាំដោយអតីតគ្រូបង្វឹកសេះបង្កង់លោក Antonio Conte បានដឹកនាំក្រុមតោខៀវឲ្យឈរនៅលើកំពូលតារាងនៃក្របខ័ណ្ឌកំពូលអង់គ្លេសដោយមាន ៦៩ពិន្ទុ ហើយត្រូវបានគេជឿថា គ្រូបង្វឹក សញ្ជាតិអុីតាលីរូបនេះនឹងមិនខ្ជះខ្ជាយពេល វេលានោះទេក្នុងការកំណត់គោលដៅទិញកីឡាករដើម្បីពង្រឹងក្រុមរបស់គាត់នៅរដូវកាលក្រោយបន្ថែមទៀត ។
ចំណែកគ្រូបង្វឹកក្លិបមេឃខៀវលោក Pep Guardiola វិញត្រូវបានមើលឃើញថា មិនសូវទទួលបានជោគជ័យទេនៅពេលដែលលោកមកដឹកនាំ Man City ជាលើក ដំបូងរបស់គាត់នៅរដូវកាលនេះ។ ដោយ លោកបានដឹកនាំ Man City ឲ្យឈរនៅ លេខ៣នៃក្របខ័ណ្ឌ Premier League ។ ក្រុមរបស់លោកក៏បានធ្លាក់ចេញពីក្របខ័ណ្ឌ កំពូលរបស់អឺរ៉ុប Champions League ក្រោយពីទទួលការបរាជ័យនៅក្រាមថ្វីជើង របស់ក្រុមខ្លាំងមកពីបារាំង Monaco កាល ពីសប្តាហ៍កន្លងទៅ ។
គួររំលឹកថា កីឡាករ Kinglsey Coman ធ្លាប់ធ្វើការជាមួយលោក Pep Guardiola នៅរដូវកាលមុនហើយគឺពិតជាមានទំនាក់ទំនងល្អជាមួយអតីតគ្រូបង្វឹករូបនេះផងដែរ។ ប៉ុន្តែក៏ត្រូវគេសង្ស័យដែរថា លោក Conte កំពុងតែទាក់ទងកីឡាករសញ្ជាតិ អេស្ប៉ាញរូបនេះឲ្យចូលរួមជាមួយនឹង តោ ខៀវ Chelsea ផងដែរ ។
មុនឈានដល់ការព្រមព្រៀងលក់ កីឡាករ Kinglsey Coman ក្រុម Bayern Munich បានទិញកីឡាករវ័យ២០ឆ្នាំរូបនេះ ពីក្លិប Juventus នៅក្នុងតម្លៃ១៨លានផោន ហើយចង់ចុះហត្ថលេខាបន្តកុងត្រាឲ្យរូបគេនៅជាមួយក្លិបបន្តទៀតដោយមិនឲ្យចាក ចេញទៅក្លិបណាផ្សេងនោះទេ។ ប៉ុន្តែឲ្យតែតម្លៃដល់ក្លិបនឹងពិចារណា ៕ រាជ
