ខ្សែបម្រើវ័យចំណាស់ Yaya Toure នឹងត្រូវបញ្ចប់ជាមួយនឹងក្លិប Man City នាចុងរដូវក្តៅនេះដែលរូបគេនឹងត្រូវចាកចេញពីកីឡដ្ឋាន Etihad នាពេលខាងមុខដ៏ ឆាប់នេះ ។ នេះបើយោងតាមប្រភពព័ត៌ មានរបស់ The Sun ចេញផ្សាយកាលពីថ្ងៃចន្ទដើមសប្តាហ៍នេះដែលបង្ហាញពីការ បញ្ចប់កុងត្រាជាមួយក្លិបមេឃខៀវ ។

ទោះបីជាយ៉ាងណាក្តីកីឡាករវ័យ៣៣ឆ្នាំរូបនេះនៅតែមានក្លិបធំៗ២នៅអុីតាលីនឹងប្រជែងគ្នាដើម្បីនាំយកគេទៅលេងនៅអុីតាលីគឺមានដូចជា AC Milan និង Inter Milan ។

តាមការអះអាងរបស់ភ្នាក់ងារទិញដូរ កីឡាកររូបនេះដែលមានឈ្មោះ Dimitri Seluk បានបញ្ជាក់ថា មានក្លិបមិនតិចជាង៥នោះឡើយដែលបានទាក់ទងចរចាជាមួយគាត់ហើយក្នុងនោះក៏មានអតីតក្លិបចាស់ របស់ Yaya Toure ក្លិបMonaco ផងដែរ ។

សូមបញ្ជាក់ថា ក្លិប AC Milan កំពុង ឈរនៅលេខរៀងទី៧ ខណៈក្រុម Inter Milan កំពុងឈរនៅលេខរៀងទី៥ នៅក្នុង ក្របខ័ណ្ឌអុីតាលី Serie A ។ ក្រុមទាំង២ នេះហាក់ធ្វើមិនបានល្អសម្រាប់ដូវកាលនេះដោយមានពិន្ទុឃ្លាតឆ្ងាយពីក្រុមកំពូលតារាង ៕ ដេវីត