ខេត្តស្វាយរៀង៖ ជនសង្ស័យជនជាតិវៀតណាម២នាក់ត្រូវបានសមត្ថកិច្ចនគរបាលឃាត់ខ្លួនបន្ទាប់ពីកម្លាំងចម្រុះចុះអនុវត្តន៍ច្បាប់ចរាចរណ៍ផ្លូវគោគត្រួតពិនិត្យអាវុធជាតិផ្ទុះ ត្រួតពិនិត្យគ្រឿងញៀន និងត្រួតពិនិត្យអ្នកបើកបរក្រោមឥទ្ធិពលនៃជាតិស្រវឹងស្រាប់តែឆែកឆេរឃើញថ្នាំញៀនមួយចំនួនផងដែរ។
ការឃាត់ខ្លួននេះបានធ្វើឡើងកាលពីវេលាម៉ោង៦ និង៣០នាទីរសៀល ថ្ងៃទី២១ ខែមេសា ឆ្នាំ២០១៧ នៅគោលដៅលើផ្លូវជាតិលេខ១ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
សមត្ថកិច្ចនគរបាលក្រុងបាវិតបានឲ្យដឹងថា ជនសង្ស័យដែលត្រូវឃាត់ខ្លួនទី១.ឈ្មោះ ង្វៀង ខិនយ៉េ ភេទប្រុស អាយុ២៣ឆ្នាំ ជនជាតិវៀតណាម មុខរបរកសិករ មានទីលំនៅភូមិអូ៧ ឃុំធីចឹង ស្រុកកូយូវ ខេត្តតៃនិញ និងទី២.ឈ្មោះ វឹង យាំងយ៉ុង ភេទប្រុស អាយុ៤៨ឆ្នាំ ជនជាតិវៀតណាម មុខរបរកសិករ មានទីលំនៅភូមិវ៉ាងហាយ ឃុំភឿកលូ ស្រុកត្រាងបាំង ខេត្តតៃនិញ។
សមត្ថកិច្ចបន្តឲ្យដឹងថា ក្រោមការឃាត់ខ្លួននេះដែរ កម្លាំងបានដកហូតថ្នាំញៀនប្រភេទម្សៅក្រាមពណ៌សថ្លាម៉ាទឹកកកចំនួន៣កញ្ចប់(ធំ១, តូចចំនួន២កញ្ចប់) ម៉ូតូ១គ្រឿង, ទូរស័ព្ទដៃចំនួន២គ្រឿង, សម្ភារសម្រាប់វេចខ្ចប់ និងប្រើប្រាស់គ្រឿងញៀនមួយចំនួន ហើយបានធ្វើតេស្តទឹកម៉ូតូមានសារធាតុញៀងទាំង២នាក់ផងដែរ។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងបាវិតដើម្បីក៍សាងសំណុំរឿងបញ្ជូនទៅការិយាល័យជំនាញខេត្តចាត់ការបន្តតាមច្បាប់៕ យឹម សុថាន
