ខេត្ដកំពង់ស្ពឺ៖ បុរសវ័យ ចំណាស់ម្នាក់ត្រូវបានសាច់ ញាតិក្មេងស្រីចាប់ខ្លួនប្រគល់ឱ្យនគរបាលខណៈដែលចាប់ រំលោភក្មេងស្រីបានសម្រេច ៣ដងហើយញ៉ាមចាប់រំលោភលើកទី៤ជីដូនក្មេងស្រីឃើញ ។
ហេតុការណ៍ឃាត់ខ្លួនបុរសល្មោភកាមនេះបានកើតឡើងកាលពីវេលាម៉ោង៣និង១០នាទីរសៀលថ្ងៃទី២៣ ខែកញ្ញា ឆ្នាំ២០១៥ នៅចំណុចក្នុង ភូមិតាំងណា ឃុំជង្រុក ស្រុកគងពិសី ខេត្ដកំពង់ស្ពឺ ។
បុរសល្មោភកាមដែលនគរបាល ឃាត់ខ្លួនឈ្មោះ ណៃ នាង អាយុ៥៩ឆ្នាំ មុខរបរធ្វើស្រែ រស់នៅក្នុងភូមិកើត ហេតុខាងលើ ។ ចំណែកក្មេងស្រីរងគ្រោះ ឈ្មោះ ង-ស-យ អាយុ១៣ឆ្នាំ រស់នៅ ក្នុងភូមិ-ឃុំជាមួយគ្នា ។
នគរបាលបានឱ្យដឹងថា នៅមុន ពេលឃាត់ខ្លួនបរុសល្មោភកាមខាងលើ នៅម៉ោងប្រហែលជា ៣រសៀលថ្ងៃកើត ហេតុក្មេងស្រីរងគ្រោះកំពុងតែស្ងោរ ដំឡូងហូបនៅផ្ទះរបស់ជនសង្ស័យពេល ឃើញឱកាសល្អបុរសល្មោភកាមបាន ចាប់ឱបក្មេងស្រីរងគ្រោះហើយនាំចូលមកក្នុងបន្ទប់ក្រោមផ្ទះប្រុងចាប់រំលោភស្រាប់ តែស្ដ្រីឈ្មោះ យ៉ាង អាយុជាង ៦០ឆ្នាំជាជីដូនក្មេងស្រីរងគ្រោះឃើញក៏ ស្រែកឆោរឡោឡើងបង្កឱ្យភ្ញាក់ផ្អើល ដល់ប្រជាពលរដ្ឋនាំគ្នាឃាត់ជនសង្ស័យ ប្រគល់ឱ្យនគរបាលតែម្ដង ។
ក្រោយពីឃាត់ខ្លួនជនសង្ស័យបាន សារភាពថា ខ្លួនពិតជាបានចាប់ រំលោភក្មេងស្រីរងគ្រោះហើយរំលោភ បានសម្រេចចំនួន៣ដងរួចមកហើយ ចាប់តាំងពីខែ៤ រហូតដល់ខែ៨ ហើយ ប្រុងចាប់រំលោភលើកទី៤ ក៏ត្រូវយាយ (យ៉ាង)ឃើញឃាត់ខ្លួនប្រគល់ឱ្យនគរ បាលតែម្ដង ។
បច្ចុប្បន្នបុរសវ័យចំណាស់ល្មោភ កាមត្រូវបានឃុំខ្លួនបណ្ដោះអាសន្ននៅ ស្នងការដ្ឋាននគរបាលខេត្ដកំពង់ស្ពឺ ដើម្បីកសាងសំណុំរឿងចាត់ការតាមផ្លូវ ច្បាប់ ៕
ដោយ៖ សេនាសក្ដិ
