ឧត្តរមានជ័យ ៖ កម្លាំងនគរបាលអធិការក្រុងសំរោង សហការណ៍ជាមួយកម្លាំងប៉ុស្តិ៍កូនក្រៀល បានធ្វើឃាត់ខ្លួនជនសង្ស័យបាន៣នាក់ពាក់ព័ន្ធនឹងករណីលួចគោរបស់ប្រជាពលរដ្ឋ ស្ថិតនៅភូមិគោកចារី សង្កាត់កូនក្រៀល ក្រុងសំរោង ខេត្តឧត្តរមានជ័យ កាលថ្ងៃទី២៥ ខែមេសា ឆ្នាំ២០១៧ ។
ការចុះប្រតិ្តបតិការខាងលើដឹកនាំបញ្ជាផ្ទាល់ដោយលោកវរះសេនីយ៍ សុន សាន អធិការក្រុងសំរោងឃាត់ខ្លួនជនសង្ស័យ៣នាក់ ដែលបានលួចគោប្រជាពលរដ្ឋម្នាក់ឈ្មោះ ហ៊ុន យៀត ភេទស្រីអាយុ៤១ឆ្នាំ រស់នៅភូមិចំការចេក សង្កាត់អូរស្មាច់ ក្រុងសំរោងខេត្តឧត្តរមាន ជ័យ ក្នុងករណីលួចគោកាលពីថ្ងៃទី២៤ មេសា វេលាម៉ោង១៦និង១០នាទីនៅចំណុចទីវាដីមាត់អូរ ស្ថិតក្នុងភូមិចំការចេកសង្កាត់អូរស្មាច់។
ជនសង្សយ័មានឈ្មោះ ១-ឈ្មោះ សុខ សុធី ហៅ ហ៊ា ភេទប្រុស អាយុ២៧ឆ្នាំ រស់នៅភូមិដើមជ្រៃ សង្កាត់អូស្មាច់, ២-ឈ្មោះ ដា ស៊ីណា ហៅ អូន ភេទប្រុស អាយុ ៣៩ឆ្នាំ ភូមិអភិវឌ្ឍន៍ សង្កាត់អូស្មាច់ ,៣-ឈ្មោះ ខុន ឆៃ ភេទប្រុស អាយុ២២ឆ្នាំ រស់នៅភូមិអភិវឌ្ឍន៍ សង្កាត់អូរស្មាច់ ក្នុងចំនោមបក្ខពួក៤នាក់ និង នាក់ទៀតកំពុងស្រាវជ្រាវបន្ត ដកហូតម៉ូតូ១គ្រឿង ម៉ាកវ៉េវ (ម៉ូតូចាស់), ទូរសព្ទដៃមួយគ្រឿង ម៉ាក់ AISពណ៌ខ្មៅ ពូថៅដៃ២ដើម, រទេះដឹកគោ១គ្រឿង និងគោមេកាត់១ក្បាល ពណ៌ស ។
បច្ចុប្បន្នជនសង្សយ័ទាំង៣នាក់ កម្លាំងជំនាញកំពុងកសាងសំណុំរឿងបញ្ជូនទៅតុលាចាតការទៅតាមផ្លូវច្បាប់ ៕ ប៉ែន នួន
