ភ្នំពេញ៖ នៅវេលាម៉ោង៤ទៀបភ្លឺថ្ងៃទី២៧ខែមេសា ឆ្នាំ២០១៧ជនសង្ស័យម្នាក់ក្នុងចំណោម២នាក់ជិះមូ៉តូ១គ្រឿងមា៉កនិចត្រូវកម្លាំងព្រហ្មទណ្ឌចំការមនឃាត់ខ្លួនបន្ទាប់ពីធ្វើសកម្មភាពឆក់ការបូបពីនារីម្នាក់បានសម្រេច មុខផ្ទះលេខតាមបណ្ដោយផ្លូវលេខ៤៣០ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។
ជនសង្ស័យមានឈ្មោះ អៀម សុខបារាំង ភេទប្រុស អាយុ២២ឆ្នាំ ស្នាក់នៅផ្ទះសង្កាត់អូឬស្សី៤ ខណ្ឌ៧មករា មុខរបរមិនពិតប្រាកដ។
បើតាមប្រភពព័ត៌មានពីសមត្ថកិច្ចបានប្រាប់អោយដឹងថា នៅមុនពេលកើតហេតុ កម្លាំងបុ៉ស្តិ៍ទំនប់ទឹកកំពុងល្បាតស្រាប់តែឃើញជនរងគ្រោះជិះមូ៉តូហើយស្រែកអោយជួយចាប់ចោរ ខណះមកដល់ចំណុចកើតហេតុខាងលើ ស្រាប់តែសមត្ថកិច្ចឃើញជនសង្ស័យ២នាក់ជិះម៉ូតូ១គ្រឿងម៉ាកនិចអត់ពាក់ស្លាក់លេខ ភ្លាមៗនោះជនសង្ស័យខាងលើបានព្យាយាមជិះគេចខ្លួនតែត្រូវ សមត្ថកិច្ចខណ្ឌចំការមនកំពុងល្បាតក៏បានដេញតាម ពីក្រោយ ម៉ូតូ ជនសង្ស័យរហូតមកដល់ក្បែរផ្សារអូឬស្សីជនសង្ស័យក៏បានដួលមូ៉តូក៏ត្រូវសមត្ថកិច្ចចាប់បានតែមង្តចំណែក ម្នាក់ទៀតរត់គេចខ្លួនបាត់សម្រោល។
ក្រោយ ពេល កើតហេតុជនសង្ស័យ ត្រូវ បាន សមត្ថកិច្ច នាំ ទៅ កាន់ ប៉ុស្តិ៍ នគរបាល រដ្ឋបាល ទំនប់ទឹកធ្វើការ សាកសួរ និង កសាង សំណុំរឿង បញ្ជូន ទៅ អធិការដ្ឋាន នគរបាល ខណ្ឌចំការមនដើម្បី ចាត់ការ បន្ត តាម និ តិ វិធី ច្បាប់ ៕
