ភ្នំពេញ៖ មរណភាពរបស់ប្រពន្ធតារាចម្រៀង រិនសាវ៉េតបានក្លាយជាប្រធានបទថ្មីសម្រាប់មហាជន។ ស្របគ្នានេះដែរការរិះគន់ក៏បានលេចឡើងក្រោយពីគេមិនបានឃើញវត្តមានតារាចម្រៀងមួយចំនួនធំរបស់ផលិតកម្មហង្សមាសលេចវត្តមានក្នុងពិធីបុណ្យសពខាងលើ ប៉ុន្តែតារាចម្រៀងស្រគត់ស្រគុំសុគន្ធ និសាបានផ្ញើសារតបទៅនឹងការរិះគន់ខាងលើវិញផងដែរ។
សុគន្ធ និសា ដែលជាតារាចម្រៀងល្បីឈ្មោះមួយរូបប្រចាំផលិតកម្មខាងលើបានចេញមុខ បកស្រាយតាមរយៈការបង្ហោះសារនៅលើបណ្ដាញសង្គមហ្វេសប៊ុកថា « មុននឹងរិះគន់សូមមើលឱ្យច្បាស់សិនទៅ ពិធីករជប់លៀង គឺគេបានធ្វើការកំណត់ទុកមុនបាន ដូច្នេះម្នាក់ៗគេបានត្រៀមលក្ខណៈដើម្បីចូលរួម ប៉ុន្តែដោយទ្បែកការស្លាប់ គឺម្នាក់ៗមិនអាចកំណត់ទុកមុនបានទេដូច្នេះម្នាក់ៗគេក៏មិនបានត្រៀម ចិត្តដែរ ភ្លាមៗចឹងគ្មានអ្នកណាគេដឹងមុនទេ ហើយណាមួយបើពេលរវល់ថតគឺទុកទូរស័ព្ទចោល ដោយមិនបានបើកមើលហ្វេសបុក ហើយក៏មិនបានឃើញព័ត៌មានដែរ ខណៈពេលនោះម្នាក់គាត់រវល់ទៅសម្តែងនៅឆ្ងាយ នៅក្រៅប្រទេស ហើយខ្លះទៀតក៏គេរវល់ដោយមិនអាចទុកការងារចោលបានទេ ព្រោះជាការទទួលខុសត្រូវលើកិច្ចការផ្ទាល់ខ្លួន ប៉ុន្តែពួកយើងក៏មិនបានទុកគាត់ចោលដែរ ម្នាក់ក៏បានផ្ញើលុយដើម្បីចូលបុណ្យសិន លុះដល់ប្រាំពីរថ្ងៃ ឬក៏ក្នុងចន្លោះថ្ងៃណាមួយនៃពិធីបុណ្យ ពួកយើងនឹងឆ្លៀតទៅចូលរួមឱ្យបាន និយាយដោយត្រង់ចុះខ្ញុំក៏ធ្លាប់បានធ្វើការរៃអង្គាសពីសប្បុរសជន នៅក្រៅប្រទេសខ្លះដើម្បីជួយដល់គាត់បានខ្លះដែរ ថ្វីដ្បិតតែមិនច្រើន តែក៏ជាទឹកចិត្តមួយកើតចេញពីការរាប់អានគ្នាកន្លងមក ប៉ុន្តែខ្ញុំយល់ថាការជួយនេះដោយទឹកចិត្តស្មោះ គឺមិនចង់ឱ្យគាត់អរគុណដោយការបង្ហោះក្នុងហ្វេសប៊ុកអីទេ សំខាន់ឱ្យតែបានជួយឱ្យគាត់បានធូរស្រាលបន្តិចទៅគឺបានហើយ ហើយខ្ញុំជឿថាខាងតារាសិល្បៈប្រចាំផលិតកម្មក្រុមហ៊ុន នឹងខាងក្រុមហ៊ុនគេបានជួយគាត់ដូចគ្នាដែរ តែគេមិនបង្ហោះរូបភាពនោះទេ ព្រោះ គិតថាវាមិនសំខាន់រឿងបង្ហោះឱ្យឃើញនោះទេ ឬក៏ចាំតែបង្ហោះរូបទើបបងប្អូនដឹងមែនទេ? សូមកុំដាក់ទោសគេដោយការដែលយើងមិនបានដឹងពីគេច្បាស់អី សូមមើលឱ្យជាក់សឹមញាក់ចិញ្ចើម ។ អ៊ីចឹងសូមបងប្អូនមេត្តាកុំអាលថាឱ្យពួកយើងអី ទង្វើសប្បុរសធម៌ខ្លះពួកយើងខ្ញុំធ្វើដោយមិនបានបង្ហាញតាមហ្វេសប៊ុ កអីទេ សូមអរគុណ និង សូមជូនពរឱ្យបងប្អូនបានសុខសប្បាយទាំងអស់គ្នា ហើយក៏សូមអភ័យទោសទុកជាមុនបើសិនជាអ្វីដែលខ្ញុំសរសេរនេះបងប្អូនមិន ពេញចិត្ត ឬក៏ទាស់ខុសអី » ។
ពាក្យពេចន៍ខាងលើនេះអាចបញ្ជាក់ពីសណ្តានចិត្តរបស់មិត្តរួមអាជីប និងរួមដំបូលដែលបញ្ជាក់ថាពួកគេមិនបានបោះបង់ចោលមិត្តភ័ក្កិឡើយ៕ វឌ្ឍនា
