ក្រុងប៉េកាំង៖ នៅព្រឹកថ្ងៃទី ១៦ ខែ ឧសភា ដដែលនេះ បន្ទាប់ពីបានអញ្ជើញជួបប្រជុំពិភាក្សាការងារជាមួយមន្រ្តី សំខាន់ៗមួយចំនួន របស់រដ្ឋាភិបាលចិនរួចហើយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ត្រូវបានទទួលបដិសណ្ឋារកិច្ចស្វាគមន៍យ៉ាងស្និទ្ឋស្នាល និងកក់ក្តៅបំផុតពី លោកនាយករដ្ឋមន្រ្តីចិន លី ឃឺឈាំង រួមទាំងមន្រ្តីឥស្សរជនជាន់ខ្ពស់ជាច្រើនទៀតមកពីរដ្ឋាភិបាលនៃសាធារណរដ្ឋប្រជាមានិតចិន នៅមហាវិមានប្រជាជនចិន។ នៅក្នុងពិធីទទួលបដិសណ្ឋារកិច្ច ជាកិត្តិយសជូន សម្តេចតេជោនាយករដ្ឋមន្រ្តីព្រឹកមិញនេះ គឺមានពិធីត្រួតពល ព្រមជាមួយសម្លេងបាញ់ កាំភ្លើងជ័យអបអរសាទរយ៉ាងគ្រឹកគគ្រេងផងដែរ។