ខេត្តព្រះសីហនុ ៖  បុរសម្នាក់ ជាកម្មកសំណង់ នាយប់ថ្ងៃទី០៤មិថុនាឆ្នាំ២០១៧ វេលាម៉ោង២២និង៣៥នាទីយប់ ត្រូវបានប្រពន្ឋរួមជាមួយសាច់ញ្ញាត្តិ ដឹកបញ្ជូនមកកាន់មន្ទីពេទ្យបង្អែកចំការចេក ដើម្បីសង្គ្រោះបន្ទាន់ បន្ទាប់ពី ជនសង្ស័យ០២នាក់បងប្អូននៅផ្ទះជាប់គ្នា កាប់នឹងពូថៅជាច្រើនកន្លែងបណ្តាលអោយរងរបួសធ្ងន់ ដោយសារតែរឿងហៅផឹកជាមួយមិនព្រមផឹក។

យោងតាមប្រភពជនរងគ្រោះបានអោយដឹង ប្តីរបស់ឈ្មោះ ឌុល ថន ភេទ ប្រុសអាយុ៤៧ឆ្នាំមានមុខរបរជាកម្មករសំណង់មានទីលំនៅភូមិ០១ សង្កាត់លេខ០១ក្រុងព្រះសីហនុ ត្រូវបានអ្នកនៅផ្ទះក្បែរកាប់ជាច្រើនពូថៅ ខណះពេលប្តីរបស់គាត់ដើរមកពីងូទទឹកវិញ រួចជនបង្កររត់គេចខ្លួនបាត់ទៅ។

ប្រភពដដែលបានអះអាងបន្តថា នៅមុនកើតហេតុហេតុបន្ទាប់ពីប្តីរបស់គាត់មកពីធ្វើការសំណង់និងហូបបាយរួចបាន ដើរសំដៅកន្លែងងូតទឹកដែលនៅមិនឆ្ងាយពីផ្ទះនោះទេ រហូតបានប្រហែលជិតមួយម៉ោង ក៏បានដើរត្រឡប់មកវិញ ជិតដល់ផ្ទះទៅហើយ ស្រាប់តែជនបង្ករ ឈ្មោះ តយដែលអង្គុយផឹកជាមួយឈ្មោះបូណា ហៅអាតិន បានស្រែកហៅប្តីគាត់អោយចូលរួមផឹកជាមួយតែប្តីរបស់គាត់មិនបានចូលផឹកនោះទេ ដោយសារគាត់អស់កំលាំងមកធ្វើការសំណង់ប៉ុន្តែនៅពេលប្តីរបស់គាត់ដើរមិនបានប៉ុន្មានផងស្រាប់តែ ឈ្មោះតិននិងឈ្មោះតយបានទាញពូថៅរត់មកកាប់ប្តីរបស់គាត់ពីក្រោយ ដេកដួលនៅលើដីតែម្តង ឃើញដូចនោះរូបគាត់បានស្ទុះទៅពួកវាក៏បានរត់គេចខ្លួនបាត់តែម្តង បន្ទាប់មកគាត់ក៏បានទូរស័ព្ទហៅរថយន្តពេទ្យដឹកប្តីមកកាន់គ្លីនិចឯកជន តែដោយសារស្ថានភាពរបួសធ្ងន់ពេកខាងគ្លីនិចក៏បានបញ្ជូនបន្តមកកាន់មន្ទីពេទ្យបង្អែកតែម្តង។

បច្ចុប្បន្នជនរងគ្រោះ កំពុងសង្រោះបន្ទាន់នៅមន្ទីពេទ្យបង្អែកចំកាចេក រីឯ ជនសង្ស័យកំពុងរត់គេចខ្លួន ខណះពេលសមត្ថកិច្ចកំពុងតាមប្រមាញ់៕  ឆ្លាម សមុទ្រ