ភ្នំពេញ៖ ជនសង្សយម្នាក់ក្នុងចំណោមបក្សពួក២នាក់ត្រូវប្រជាពលរដ្ឋចាប់ប្រគល់អោយសមត្ថកិច្ចខណៈរូបគេបានធ្វើសកម្មភាពឆក់ការបូបស្ពាយពីស្ត្រីម្នាក់ពុំបានសម្រេចបណ្តាលអោយដួលរងរបួសស្រាយចំណែកបក្សពួកជនសង្ស័យម្នាក់ទៀតបានជិះរត់គេចខ្លនបាត់។
ហេតុការណ៍នេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី៩ខែមិថុនាឆ្នាំ២០១៧នៅផ្លូវលេខ១៩៨៦កែងនិងផ្លូវ១០០៧ក្រុម៩ភូមិភ្នំពេញថ្មីសង្កាត់ភ្នំពេញថ្មីខណ្ឌសែនសុខ។
សមត្ថកិច្ចបានអោយដឹងថាជនសង្ស័យមានឈ្មោះ វី ដេវីដ ភេទប្រុសអាយុ១៦ឆ្នាំមុខរបរសិស្សថ្នាក់ទី៩រៀននៅសាលាប៊ែលធី ស្នាក់នៅភូមិគង្គាផុស សង្កាត់ទួលសង្កែ ខណ្ឌឬស្សីកែវចំណែកបក្សពួកម្នាក់ទៀតបានរត់គេចខ្លួនបាត់។
ស្ត្រីរងគ្រោះមានឈ្មោះ ឡុង វ៉ាន់នី អាយុ៣២ឆ្នាំមុខរបរបុគ្គលឹកក្រុមហ៊ុនឯកជន ស្នាក់នៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
ប្រភពពីស្ត្រីរងគ្រោះបានអោយដឹងថាមុនពេលកើតហេតុរូបគាត់បានជិះម៉ូតូ១គ្រឿងម៉ាកគុបជ្រុងព័ណទឹកបុិចពាក់ស្លាកលេខភ្នំពេញ1J.0176ក្នុងទិសដៅពីលិចទៅកើតតែម្នាក់ឯងដោយមានស្ពាយកាបូបព័ណខ្មៅពីខាងមុខលុះមកដល់ចំណុចកើតហេតុស្រាប់តែលេចមុខជនសង្ស័យចំនួន២នាក់បានជិះម៉ូតូ១គ្រឿងម៉ាកហុងដាសេ១២៥សេរីឆ្នាំ២០១៧ព័ណខ្មៅពាក់ស្លាកលេខភ្នំពេញ1GD.7227មកពីក្រោយហើយបានធ្វើសកម្មភាពឆក់កាបូបពីនាងបណ្តាលអោយដួលម៉ូតូទាំង២គ្រឿងហើយប្រជាពលរដ្ឋនៅក្បែនោះជួយចាប់បានជនសង្ស័យម្នាក់នេះតែម្តងចំណែកម្នាក់ទៀតបានរត់គេចខ្លួនបាត់។
តាមការបញ្ជាក់ពីស្ត្រីរងគ្រោះបន្តទៀតថានៅក្នុងការបូបរបស់គាត់មានលុយខ្មែរ៣មុឺនរៀល លុយដុល្លា៨០ដុល្លា ទូរស័ព្ទដៃចំនួន២គ្រឿងនិងឯកសារសំខាន់ៗមួយចំនួនទៀត។
នៅចំពោះមុខសមត្ថកិច្ចជនសង្ស័យបានឆ្លើយសារភាពថាបក្សពួករបស់គេមានគ្នា៣នាក់ម៉ូតូ២គ្រឿង១គ្រឿងម៉ាកហុងដាសេ១២៥និង១គ្រឿងទៀតម៉ាកស៊ុយសុីគីនិចព័ណខ្មៅជាអ្នកបិតគួទហើយក្រោយពីធ្វើសកម្មភាពឆក់មិនបានសម្រេចម៉ូតូគេបានដួលហើយបក្សពួកគេបានរត់ឡើងជិះម៉ូតូគ្នាគេជិះគេចខ្លួន។
បច្ចុប្បន្នជនសង្ស័យកំពង់ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅកាន់សាលាដំបូងរាជធានីភ្នំពេញចាត់ការតាមនិតិវិធីបន្ត៕ តុង សីហា
