ខេត្តកំពង់ធំ ៖ ក្រុមអាជីវករប្រមាណជាង១៨តូប នៃ៤០តូប ក្នុងផ្សារក្រវ៉ា ខេត្តកំពង់ធំ បាននាំគ្នាប្រតិកម្មទៅនឹងជាអនុប្រធានផ្សារ ដែលបានបង្គាប់យកលុយចំនួន៤០០០ដូល្លា ក្នុងតូបមួយ  ដោយតូបនីមួយៗមានទំហំពីរម៉ែតបួនជ្រុង។

អាជីវក អ្នកស្រី សាក់ និងប្តីឈ្មោះសី បានបញ្ជាក់ថា តូបរបស់ពួកគាត់ ដែលអនុប្រធានផ្សារឈ្មោះ រិទ្ធ កំពុងសាងសង់ក្នុងទំហុំពីរម៉ែតបួនជ្រុង ចាក់សាប និងប្រក់ដំបូលរួច ហើយគេគិតយកជាប្រាក់ចំនួន៤០០០ដូល្លា ឯ អ្នកស្រី ចិន្តា ក៍ឆ្លើយស្រដៀងគ្នានេះ ដែរថា គាត់ក៍ត្រូវបង់៤០០០ដុល្លារអាមេរិក ឱ្យទៅឈ្មោះ រិទ្ធ ដែរ ហើយក្រុមអាជីវករទាំង១៨ សុទ្ធតែបានបង់អោយលោករិទ្ធដូចគ្នាទាំងអស់។

ចំពោះប្រតិកម្មខាងលើរបស់ក្រុមអាជីវករនេះ លោក វី ប្រធានផ្សារក្រវ៉ា បានបកស្រាយតាមទូរស័ព្ទថា ដីដែលលោក រិទ្ធ កំពុងសាងសង់ទាំង១៨តូប នោ គឺ ដីរដ្ឋសុទ្ធសាត។ យ៉ាងណាលោក រិទ្ធ បានទទួលស្គាល់ថាលោកពិតជាឲ្យក្រុមអាជីវករទាំង១៨តូបនោះ បង់លុយ៤០០០ដូល្លារ ជាថ្នូរនឹងការសង់តូបក្នុងមួយតូបៗ តែលោកទើបតែទទួលបានប្រាក់ពីអាជីករតែ៦តូបប៉ុណ្ណោះ ក្នុងចំណោម១៨តូបនោះ។

លោក រិទ្ធ អនុប្រធានផ្សារបានបន្តទៀតថា ផ្សារក្រវ៉ាត្រូវភ្លើងឆេះនាពេលកន្លងមក ហើយលោក សុខ  លូអភិបាលនៃគណ:អភិបាលខេត្តកំពង់ធំ បានឧបត្ថម្ភប្រាក់ចំនួន៥០០០ដុល្លារអាមេរិកសម្រាប់ជួសជុលផ្សារហើយលោកជាអ្នកទទួលធ្វើ។ លោក រិទ្ធ បន្ដថា ចំពោះប្រាក់៥០០០ដុល្លារ អាមេរិកនេះលោកសាងសង់មិនគ្រប់ទេ លោកបានរៃអង្គាសពីអាជីវករក្នុងមួយតូបទឹកប្រាក់១៤០ដូល្លាអាមេរិកក្នុងចំណោមជាង៣០តូបដែលភ្លើងឆេះសម្រាប់ប្រក់ដំបូលនិងជួសជុលឡើងវិញប៉ុណ្ណោះ ៕ ប៊ុន រិទ្ធី