កំពង់ធំ ៖ នៅម៉ោង០១និង ៣០នាទីថ្ងៃត្រង់ ថ្ងៃទី១០ មិថុនា ឆ្នាំ២០១៧ កំលាំងកងរាជអាវុធហត្ថ ស្រុកស្រុកបារាយណ៍ ចំនួន០៣នាក់ រថយន្ត០១គ្រឿងដឹកនាំដោយលោក អនុសេនីយ៍ ឯក សេង សំ មេបញ្ជាការ រង នៃ កងរាជអាវុធហត្ថ ស្រុកស្រុកបារាយណ៍សហការជាមួយផ្នែករដ្ធបាលព្រៃឈើកំពង់ថ្ម ឃាត់រថយន្តម៉ាក សាុំយ៉ុង ពណ៍ ស ស្លាកលេក ភ្នំពេញ២C(3404)ដឹកឈើ បេង គ្មានច្បាប់ នៅចំណុច ភូមិទួលដំណាក់ ឃុំ ចុងដូង ស្រុកបារាយណ៍ ខេត្តកំពង់ធំ។

 ប្រភពពត័មានពីសមត្ថកិច្ចបាបបញ្ចាក់ថា ក្រោយពីឃាតរថយន្ដនិង ឃាត់បានមនុស្ស០២នាក់ ទី១ឈ្មោះហេង វណ្ណា ភេទ ប្រុស អាយុ ៣៥ឆ្នាំរស់នៅភូមិ ខ្យង ឃុំ ខ្យង ស្រុក ជយ័សែន ខេត្តព្រះវិហារ (តៃកុង) ទី២ ឈ្មោះខុន ខៃ ភេទ ប្រុស អាយុ ៣៩ឆ្នាំរស់នៅភូមិ កសិករ ឃុំ ច្រាច់ ស្រុក ជយ័ សែនខេត្ត ព្រៈវិហារ (ព្រូឡាន)  ដឹកពីចំណុច ស្រុក ជយ័សែន ខេត្តព្រះវិហារទៅ ភ្នំពេញ ។

 ក្រោយមកបញ្ចូន រថយន្តនឹងមនុស្សទៅផ្នែករដ្ធបាលព្រៃឈើកំពង់ថ្ម ដើម្បីអោយមន្រ្ដីជំនាញធ្វើការរាប់និង វាស់វែងមានឈើចំនួន(48ដុំ+សន្លឹក)=0,765ម៉ែតគីប ចំណែកមនុស្ស កសាងសំនុំរឿងចាត់ការតាមច្បាប់៕ ប៊ុន រិទ្ធី