ខេត្តកណ្តាល ៖ ស្រ្តីម្នាក់ស្រវឹងស្រាដើរឆ្លងថ្នល់ ត្រូវរថយន្តបើកបុកបណ្តាលឲ្យស្លាប់ រួចបន្ថែមល្បឿន គេចខ្លួនបាត់ ។ ហេតុការណ៍នេះបានកើតឡើងនៅលើផ្លូវជាតិលេខ៦ ចន្លោះគីឡូមែតលេខ៣៣-៣៤ ស្ថិតក្នុងភូមិ វត្តថ្មី   ឃុំព្រែកដំបង ស្រុកមុខកំពូលខេត្តកណ្តាល កាលពីវេលាម៉ោង៨និង៥៥នាទី យប់ថ្ងៃទី១២ ខែមិថុនា ឆ្នាំ២០១៧ ។

ស្រ្តីរងគ្រោះឈ្មោះ ថុល  ភេទស្រី អាយុ៦៥ឆ្នាំ មានទីលំនៅភូមិវត្តចាស់ ឃុំព្រែកដំបង ស្រុកមុខកំពូល ខេត្តកណ្ដាល ។

តាមរបាយការណ៍នគរបាលចរាចរស្រុកមុខកំពូលបានឲ្យដឹងថា ស្រ្តីខាងលើស្រវិងស្រាបានឆ្លងកាត់ផ្លូវ (មិន ដឹងថាឆ្លងពីណាទៅណាទេ) បណ្ដាលឲ្យរថយន្តមួយគ្រឿង មិនស្គាល់ម៉ាក ធ្វើដំណើរពីជើងទៅត្បូង ។ លុះបើក មកដល់កន្លែងកើតហេតុបានមកបុកស្រ្តីរូបគ្រោះដើរឆ្លងកាត់ផ្លូវខាងលើ បណ្ដាលឲ្យស្លាប់នៅកន្លែងកើតហេតុ  ។ចំណែករថយន្តបើករត់គេច បាត់ ៕ ស្អាងជ័យ