ភ្នំពេញ៖ បុគ្គលិករដ្ឋាករទឹកស្វាយយ័តម្នាក់ត្រូវបានរថយន្ដដឹកដីរអិលគាបនឹងអាអ៊ិច ស្លាប់ក្រោយពេលបញ្ជូនទៅដល់មន្ទីពេទ្យ ។ ហេតុការណ៍នេះកើតឡើងកាលពីវេលាម៉ោង ៩និង៣០នាទីស្ថិតនៅក្នុងភូមិជើងឯក សង្កាត់ជើងឯក ខណ្ឌដង្កោ ។
ប្រភពព័ត៌មានពីកន្លែងកើតហេតុបានប្រាប់អោយដឹងថា មុនពេលកើតហេតុរថយន្ដដឹកដីបានចតបញ្ឆិតនឹងផ្លូវដោយម្ចាស់រថយន្តបានដាក់ហ្វ្រាំងដៃពេលដែលអាអ៊ិចចូកដីដាក់លើឡានបណ្ដាលអោយរថយន្ដរអិលថយក្រោយភ្លាមនោះតៃកុងរថយន្ដម្នាក់ទៀតដែលនៅខាងក្រោមបានរត់ទៅទប់រថយន្ដពីក្រោយដោយខ្លាចប៉ះនឹង អាអ៊ិច ដោយទប់មិនឈ្នះហើយមិនបានមើលក្រោយស្រាប់តែរថយន្ដរអិលបណ្ដាលអោយគាបជាប់នឹងអាអ៊ិចតែម្ដង។
ក្រោយពេលកើតហេតុភ្លាមៗក៏មានការជួយពីបុគ្គលិកដួចគ្នា រួមជាមួយនឹងសមត្ថកិច្ចយករថយន្ដចេញហើយបានបញ្ជូនជនរងគ្រោះទៅមន្ទីរពេទ្យ ខណៈពេលទៅដល់មន្ទីរពេទ្យជនរងគ្រោះត្រូវបានស្លាប់បាត់បង់ជីវិតបាត់ទៅហើយ ។
បើតាមអោយដឹងពីសមត្ថកិច្ចបានអោយដឹងថា ជនរងគ្រោះមានឈ្មោះ ចេវ សុខជា អាយុ៣២ឆ្នាំ មានមុខរបរតៃកុង អាអ៊ិច។ ចំណែកតៃកុងរថយន្ដមានឈ្មោះរ៉េត ស៊ីថន អាយុ២៩ឆ្នាំមានមុខរបរអ្នកបើករបរថយន្ត ។ បច្ចុប្បន្នតៃកុងរថយន្ដត្រូវបានឃាត់ខ្លួនដើម្បីកសាងសំណុំរឿងបញ្ជូនទៅតុលាការដោះស្រាយតាមផ្លូវច្បាប់ ៕
...
ដោយ៖ ភារ៉ា ដង្កោ