ខេត្តកែប ៖ មន្ទីរកសិកម្មខេត្តកែបបានហៅអ្នកនេសាទមកអប់រំណែនាំ និងធ្វើកិច្ចសន្យាឲ្យបញ្ឈប់ បន្ទាប់ពីក្រុមអ្នកនេសាទទាំងនោះដាក់សន្ទូចចាប់បបែល តែបែរជាបានត្រី ប្រភេទត្រីបាណន់គីង្គក់ មានប្រវែង ៣,៦ម៉ែត្រ និងទទឹង ១,៣ម៉ែត្រ មានទម្ងន់៤០០គីឡូក្រាម កាលពីល្ងាចថ្ងៃទី១៦ ខែមិថុនា ឆ្នាំ២០១៧ ។

មន្រ្តីមន្ទីរកសិកម្មខេត្តកែបបានឲ្យដឹងថា ត្រីបាណន់គីង្គក់ ជាប្រភេទត្រីដ៏កម្រ ដែលច្បាប់ហាមឃាត់នេសាទ ។ បន្ទាប់ពីអប់រំណែនាំ ថ្នាក់ដឹកនាំមន្ទីរក៏បានឧបត្ថម្ភថវិកាដល់អ្នកនេសាទទាំងនោះ និងសុំយកត្រីនោះទៅកប់នៅមន្ទីរ ៕ ជាយក្រុង