ខេត្តសៀមរាប ៖ កម្លាំងការិយាល័យបទល្មើសគ្រឿងញៀននៃកងរាជអាវុធហត្ថខេត្តសៀមរាប សហការដឹកនាំ ដោយលោកអនុសេនីយ៍ឯក ធាវ ច័ន្ទតារា នាយការរិយាល័យបទល្មើសគ្រឿងញៀននៃកងរាជអាវុធហត្ថខេត្ត កម្លាំងកងរាជអាវុធហត្ថក្រុង កម្លាំងកងរាជអាវុធហត្ថស្រុកជីក្រែង និង កម្លាំងកងរាជអាវុធហត្ថស្រុកពួក ចុះបង្រាប ករណី រក្សាទុក ដឹកជញ្ជូន ឫជួញដូរ នូវសារធាតុញៀនខុសច្បាប់ បានធ្វើឡើងរយៈពេល២ថ្ងៃ នៅទីតាំងផ្សេងគ្នា ក្នុងខេត្តសៀមរាប រហូតឈានដល់ធ្វើការឃាត់ខ្លួនជនសង្ស័យ ប្រុស ស្រីចំនួន៣៣នាក់  នៅថ្ងៃទី១៤-១៥ ខែមិថុនា ឆ្នាំ២០១៧ ស្ថិតនៅខេត្តសៀមរាប។

លោកអនុសេនីយ៍ឯក ធាវ ច័ន្ទតារា នាយការរិយាល័យបទល្មើសគ្រឿងញៀននៃកងរាជអាវុធហត្ថខេត្ត បានប្រាប់ថា  បន្ទាប់ពីទទួលបានព័ត៌មានតាមមូលដ្ឋាន លោកបានដឹកនាំកម្លាំងចុះ បង្រ្គាប ករណី រក្សាទុក ដឹកជញ្ជូន ឫជួញដូរដោយខុសច្បាប់ នូវសារធាតុញៀន ធ្វើឡើងរយៈពេល២ថ្ងៃ នៅទីតាំងផ្សេងគ្នា ក្នុងខេត្តសៀមរាប រហូតឈានដល់ធ្វើការឃាត់ខ្លួនជនសង្ស័យ ប្រុស ស្រីចំនួន៣៣នាក់ រួចនាំយកមកសួរនាំនៅការិយាល័យជំនាញនៃកងរាជអាវុធហត្ថខេត្ត ដើម្បីរៀបចំសំណុំរឿងបញ្ជូនទៅតុលាការមួយចំនួន និងបញ្ជូនទៅមណ្ឌលអប់រំមួយចំនួន។

លោកបានបញ្ជាក់ថា បន្ទាប់ពីកម្លាំងជំនាញបានធ្វើការឃាត់ខ្លួន ក្នុងនោះបានដកវត្ថុតាងរួមមាន៖ម្សៅគ្រើមម៉ាទឹកកកចំនួន៣៥កញ្ចប់ ស្មើនឹងទម្ងន់ ៩៧,៨៧ ក្រាម ,ទូរសព្ទ័ ដៃ ១៩ គ្រឿង និង ឧបករណ៍ប្រើប្រាស់ វេចខ្ចប់ ថ្នាំជក់មួយចំនួនធំផងដែរ។

បច្ចុប្បន្នជនសង្ស័ប្រុស ស្រីទាំង៣៣នាក់ត្រូវបានកម្លាំងកងរាជអាវុធហត្ថប្រឆាំងបទល្មើស គ្រឿងញៀន ខេត្តបានរៀបចំកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការនិតិវិធីច្បាប់និងជនសង្ស័យ ប្រើប្រាស់មួយចំនួនបញ្ជូនទៅមណ្ឌលស្តានីតិសម្បទាសន្សាបជាតិញៀនខេត្ត៕