ភ្នំពេញ ៖ បុរសម្នាក់បានរងរបួសដាច់ជើងឆ្វេងត្រឹមជង្គង់ដោយសារជួបគ្រោះថ្នាក់ចរាចររថយន្តកុងតឺន័រវ៉ារថយន្តមួយគ្រឿងទៀតជ្រុលទៅបុកម៉ូតូណៃហ៊ត បញ្ច្រាស់ទិសគ្នាពេញទំហឹងហើយរថយន្តបើករត់គេចបាត់ស្រមោល។

ហេតុការគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ៨និង០០នាទី ថ្ងៃទី០៧ ខែកក្កដា ឆ្នាំ២០១៧ នៅខាងត្បូងបន្ទាយ ង៧០ តាមបណ្តោយផ្លូវជាតិលេខ៣ ស្ថិតនៅក្នុងភូមិព្រៃព្រិនខាងត្បូង សង្កាត់ចោមចៅ ខណ្ឌពោធិ៍ សែនជ័យ។

ជនរងគ្រោះវ័យជាង៤០ឆ្នាំជិះម៉ូតូម៉ាក ណៃ ហ៊ត ពណ៍ខ្មៅពាក់ស្លាកលេខ ន.ប 1.1225។

បើតាមប្រពភព័ត៌មានបានឲ្យដឹងថា នៅមុនពេលកើតហេតុ ជនរងគ្រោះបានធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជើង ដោយបានជិះបញ្ច្រាស់ទិសដៅគ្នាជាមួយរថយន្តកុងតឺន័រ
លុះមកដល់ចំណុចកើតហេតុខាងលើ រថយន្តកុងតឺ័រ បានបើកវារថយន្ត មួយគ្រឿងទៀតមិនចាំម៉ាក បានទៅបុកចំម៉ូតូជនរងគ្រោះបណ្តាលឲ្យបាក់ជើងខាងឆ្វេង។

ក្រោយពីកើតហេតុ រថយន្តបង្កបានបើរត់គេចខ្លួនបាត់ ដោយបន្សល់ទុកតែម៉ូតូ ហើយនឹងជនរងគ្រោះនៅទីនោះត្រូវបានរថយន្តក្លីនិកឯកជនដឹកទៅសង្គ្រោះបន្ទាប់នៅមន្ទីរពេទ្យព្រះកុសុមះ ចំណែកម៉ូតូសមត្ថកិច្ចយកទៅរក្សាទុកនៅប៉ុស្តិចោមចៅ ៕ សុខាសែនជ័យ