ភ្នំពេញ ៖ បទល្មើឆក់ផ្សេងៗតាមផ្លូវសាធារណះនៅក្នុងខណ្ឌសែនសុខហាក់មានការកើនឡើងគួរអោយបារណ៍ប៉ុន្តែមិនទាន់មានឃើញមានសមត្ថកិច្ចបង្ក្រាបទាន់ពេលវេលាឡើយ។ជាក់ស្តែងកាលពីព្រឹកថ្ងៃទី១១ខែកក្កដាឆ្នាំ២០១៧ នេះមានករណីឆក់កាបូបជំហៀងពីស្ត្រីម្នាក់បានសម្រេចខណះកំពង់ជិះម៉ូតូឌុបគ្នាតាមផ្លូវ១០១៩ម្តុំមុខផ្ទះមេប៉ូលីសខណ្ឌសែនសុខ ស្ថិតនៅភូមិពោងពាយសង្កាត់ភ្នំពេញថ្មីខណ្ឌសែនសុខ។

ស្ត្រីរងគ្រោះឈ្មោះ យ៉ាត ផល អាយុ ៣៥ឆ្នាំស្នាក់នៅផ្ទះជួលភូមិពោងពាយសង្កាត់ភ្នំពេញថ្មីខណ្ឌសែនសុខ។

ប្រភពពីស្ត្រីរងគ្រោះបានប្រាប់ថាមុនកើតហេតុនាងជិះម៉ូតូមួយគ្រឿងម៉ាកSUZUKI Let’s ពណ៌ ស ជាមួយប្អូនស្រីចេញមកពីផ្សារគោលបំណងទៅផ្ទះដោយជិះតាមផ្លូវ១០១៩ក្នុងទិសដៅពីត្បូងទៅជើងខណះមកដល់ចំណុចខាងលើស្រាបមតែមានជនសង្ស័យពី៦ទៅ៧នាក់ជិះម៉ូតូមិនចាំម៉ាកមិនចាំស្លាកលេខមកក្បែធ្វើសកម្មភាពឆក់យកកាបូបស្ពាយជំហៀងរបស់គាត់បានសម្រេចហើយបើកកេចខ្លួនអស់។

ស្ត្រីដដែលបានប្រាប់ទៀតថានៅក្នុងកាបូបនោះមានលុយខ្មែរ២៥ម៉ឺនរៀលទូរស័ព្ទដៃ០២គ្រឿង(អាហ្វូនមួយគ្រឿងនិងធម្មតាមួយគ្រឿង)ឯកសាមួយចំនួនអត្តសញ្ញាណប័ណ្ណសញ្ជាតិខ្មែរមួយសន្លឹក។

ក្រោយកើតហេតុស្រ្តីរងគ្រោះខាងលើបានត្រឹមទៅដាក់ពាក្យបណ្តឹងនៅប៉ុស្តិ៍រដ្ឋបាលភ្នំពេញថ្មីដើម្បីស្វែងរកមុខសញ្ញាខាងលើយកមកដាក់ទោសប៉ុណ្ណោះ ៕ តុង សីហា