ខេត្តកណ្តាល៖ ជនសង្ស័យ១១ នាក់ត្រូវបានកម្លាំងនគរបាលព្រហ្មទណ្ឌស្រុកសហការជាមួយប៉ុស្តិ៍រដ្ឋបាល សមត្ថកិច្ច ប៉ូលិសព្រហ្មទណ្ឌស្រុកកៀន ស្វាយសហការជាមួយប៉ូលិសប៉ុស្តិ៍រដ្ឋបាលចំនួន៣ឆ្មក់ចុះ បង្ក្រាបឃាត់ខ្លួនជាបន្តបន្ទាប់ នៅក្នុងផ្ទះចាស់គ្មានមនុស្សរស់នៅមួយកន្លែងស្ថិតក្នុងភូមិស្រែអពិល ឃុំឈើទាល ស្រុកកៀនស្វាយ ។
កាលពីវេលាម៉ោង១១ និង៥០នាទី ថ្ងៃទី៤ ខែតុលា ឆ្នាំ២០១៥ ដកហូតបានថ្នាំញៀន១កញ្ចប់ និងវត្ថុតាងពាក់ព័ន្ធមួយចំនួនទៀត និង គោលដៅទី២ ចាប់ខ្លួនជនសង្ស័យ២នាក់ ដកហូតបានថ្នាំញៀន១កញ្ចប់ ម៉ូតូ១គ្រឿង នៅភូមិតារាប ឃុំគគីរ ស្រុកកៀនស្វាយ នៅវេលាម៉ោង៣និង១០ នាទីរសៀល ថ្ងៃទី៤ ខែតុលា ឆ្នាំ២០១៥ ។
ជនសង្ស័យដែលសមត្ថកិច្ចចាប់ខ្លួននៅក្នុងឃុំឈើទាល ចំនួន ៩នាក់មាន៖
- ឈ្មោះ សំ សំណាង ភេទប្រុស អាយុ៣៥ឆ្នាំ មានទីលំនៅក្នងភូមិព្រែកដូង ឃុំកំពង់ស្វាយ ស្រុកកៀនស្វាយ
- ឈ្មោះ ហ៊រ រតនា ភេទប្រុស អាយុ២២ឆ្នាំ មានទីលំនៅ ភូមិព្រែកស្វាយ ឃុំកំពង់ស្វាយ ស្រុកកៀនស្វាយ
- ឈ្មោះ រឿន សារិទ្ធ ភេទប្រុស អាយុ២២ឆ្នាំ មានទីលំ នៅភូមិព្រែកស្វាយ២ ឃុំឈើទាល ស្រុកកៀនស្វាយ
- ឈ្មោះ ណេត ណន ភេទប្រុស អាយុ១៧ឆ្នាំ មានទីលំនៅភូមិស្រែអំពិល ឃុំឈើទាល ស្រុកកៀនស្វាយ
- ឈ្មោះ ឡោ វិស៊ីឡា ភេទប្រុស អាយុ៣១ឆ្នាំ មានទីលំនៅភូមិព្រែកស្វាយ២ ឃុំឈើទាល ស្រុកកៀនស្វាយ
- ឈ្មោះ រស់ សារឿន ហៅមុំ ភេទប្រុស អាយុ២៧ឆ្នាំ មានទីលំនៅភូមិព្រែកស្វាយ ឃុំឈើទាល ស្រុកកៀនស្វាយ
- ឈ្មោះ មៀឃ សុសហ៊ីម ភេទប្រុស អាយុ៣១ឆ្នាំ មានទីលំនៅភូមិព្រែកស្វាយ ឃុំឈើទាល ស្រុកកៀនស្វាយ
- ឈ្មោះ សៅ ពិសិដ្ឋ ភេទប្រុស អាយុ២២ឆ្នាំ មានទីលំនៅភូមិដូនស ឃុំគគីរ ស្រុកកៀនស្វាយ ទី៩-ឈ្មោះ គៀត សាវ៉េត ភេទប្រុស អាយុ៣៦ឆ្នាំ ជនជាតិខ្មែរ មានទីលំនៅ ភូមិដូនស ឃុំគគីរ ស្រុកកៀនស្វាយ ។
ដោយឡែកជនសង្ស័យ២នាក់ដែលចាប់ខ្លួននៅក្នុងឃុំគគីរមាន ឈ្មោះ គៀត សាវ៉េត ភេទប្រុស អាយុ៣៦ឆ្នាំ មុខរបររត់ម៉ូតូឌុប និងទី២ មានឈ្មោះ សៅ ពិសិដ្ឋ ភេទប្រុស អាយុ២២ឆ្នាំ មានទីលំនៅភូមិដូនស ឃុំគគីរ ស្រុកកៀនស្វាយ ជាមួយគ្នា ។ ក្នុងការបង្ក្រាប មុខសញ្ញាទាំង២គោលដៅនេះសមត្ថកិច្ចដកហូតបាន វត្ថុតាងរួមមាន ថ្នាំញៀនប្រភេទមេតំហ្វេតាមីនចំនួន០២កញ្ចប់តូច ,ម៉ូតូ ៥គ្រឿង ,កង់២គ្រឿង ,ដាវកែច្នៃចំនួន០១ដើម ,ជំពាមកៅស៊ូ០១ ,ទូរស័ព្ទដៃចំនួន០៨គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត។
ប៉ូលិសបន្តទៀតថា ជនសង្ស័យខាងលើនេះជាមុខសញ្ញាដែលសមត្ថកិច្ចប៉ូលិសតាមដាន និងកំណត់នាពេលកន្លងមក។នៅវេលាថ្ងៃទី៤ ខែតុលា ឆ្នាំ២០១៥ ប៉ូលិសទទួលបានព័ត៌មានថា ជនសង្ស័យសំងំធ្វើសកម្មភាពនៅក្នុងផ្ទះចាស់មួយកន្លែងគ្មានមនុស្សស្នាក់នៅ ទើបរៀបចំកម្លាំងប៉ូលិសព្រហ្មទណ្ឌស្រុក សហការជាមួយប៉ូលិសប៉ុស្តិ៍រដ្ឋបាលឈើទាល ,កំពង់ស្វាយ និងប៉ូលិសប៉ុស្តិ៍រដ្ឋបាលគគីរ ឆក់ចូលទៅបង្ក្រាបឃាត់ខ្លួនជនសង្ស័យបាន៤នាក់ ។ ភ្លាមៗនោះក៏មានជនសង្ស័យ៥នាក់ទៀតតេទូរស័ព្ទចូលជនសង្ស័យ៤នាក់ដែលកំពុងត្រូវបានឃាត់ខ្លួនក្នុងគោលបំណងទិញថ្នាំញៀន ទើបសមត្ថកិច្ចរៀបចំគម្រោងចាប់ជនសង្ស័យ៥នាក់បន្ថែមទៀត រួមជាមួយវត្ថុតាងពាក់ព័ន្ធដើម្បីកសាងសំណុំរឿងចាត់ការតាមច្បាប់ ៕
ដោយ៖ សណ្តោស
