ភ្នំពេញ ៖ បុរសម្នាក់បានស្លាប់ភ្លាមនៅកន្លែងកើតហេតុខណះកំពុងជិះម៉ូតូហើយត្រូវបាន រថយន្តហ៊ីយ៉ាន់ដាយ​ដឹកអេតចាយ១គ្រឿង បានបើកបរក្នុងល្បឿនយ៉ាងលឿន ជ្រុលទៅបុកអូសជាង៥០ម៉ែត្រ ជ្រុលចូលក្នុងសាលាពិភពញ្ញាអន្តរជាតិបុកផ្ទុបនិងម៉ូតូ៣គរឿងទៀតបណ្ដាលឲ្យស្លាប់ភ្លាមនៅនឹងកន្លែង​ ចំណែកម៉ូតូរងការខូចខាតយ៉ាងដំណុំ។ភ្លាមនោះម្ចាស់រថយន្តត្រូវបានប្រជាពលរដ្ឋចាប់ប្រគល់អោយសមត្ថកិច្ចភ្លាមៗតែម្តង។

ហេតុគ្រោះថ្នាក់ចរាចរនោះបានកើតឡើង កាលពីវេលាម៉ោង២និង១០នាទីរសៀល ថ្ងៃទី២១ ខែកក្កដា ឆ្នាំ២០១៧ នៅលើកំណាត់ផ្លូវជាតិលេខ៤ ត្រង់ចំណុចមុខសាលាពិភពបញ្ញាអន្តរជាតិ ដែលមានទីតាំងស្ថិតនៅក្នុងភូមិត្រពាំងគល់ សង្កាត់កំបូលខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះដែលស្លាប់នោះមិនទាន់ត្រូវបានស្គាល់ឈ្មោះនៅឡើយ គាត់ជិះម៉ូតូ១គ្រឿងម៉ាកហុងដាឌ្រីម សេ១២៥ ស៊េរីឆ្នាំ ២០១៦ ពណ៏ខ្មៅ ចំណែករថយន្តបង្កម៉ាកីយ៉ាន់ដាយ ពណ៏ខៀវពាក់ស្លាកលេខកណ្ដាល2A-3757 បើកបរដោយបុរសម្នាក់ឈ្មោះ សន ចន អាយុ៣៩ឆ្នាំ មានទីលំនៅក្នុងភូមិបុរីកម្មករ ឃុំបែកចាន ស្រុកអង្គស្នួល ខេត្តកណ្ដាល និងមានស្រុកកំណើតនៅក្នុងភូមិទ្រា ឃុំកញ្ចំ ស្រុកពារាំង ខេត្តព្រៃវែង។

តាមប្រភពព័ត៌មានបានឲ្យដឹងថា នៅមុនពេលកើតហេតុគេបានឃើញរថយន្តបង្ក បើកបរធ្វើដំណើរក្នុងទិស ដៅពីលិចទៅកើត ក្នុងល្បឿនយ៉ាងដោយមានដឹកអេតចាយពេញទ្រុងថែមទៀតផង ខណះមកដល់ចំណុចកើតហេតុក៏រ៉េចង្កូតទៅបុកម៉ូតូរងគ្រោះពេញទំហឹងដែល ធ្វើដំណើរក្នុងទិសដៅពីកើតទៅលិចបញ្ច្រាស់ទិសគ្នា​ បណ្តាលអោយម៉ូតូគៀបជាប់និងរថយន្តអូសជាង៥០ម៉ែត្រជ្រុលចូលទៅក្នុងសាលាពិភពបញ្ញាអន្តរជាតិ និងបុករះម៉ូតូចំនួន៣​គ្រឿងទៀត ដែលជាម៉ូតូរបស់ លោកគ្រូអ្នកគ្រូបង្រៀននៅទីនោះ បណ្ដាលឲ្យខូចខ្ទេចខ្ទីរថែមទៀតទើបឈប់ស្ងៀម ផ្ទុបជនរងគ្រោះបណ្តាលអោយស្លាប់ភ្លាមនៅកន្លែងកើតហេតុយ៉ាងអានោចអាធម៍​ភ្លាមហើយអ្នកបើកបររថយន្ត ប្រុងរត់គេចខ្លួនប៉ុន្តែត្រូវបានប្រជាពលរដ្ឋចាប់ខ្លួនបាននិងប្រគល់ឲ្យនគរបាលចាត់ការតាមច្បាប់។

ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុនិងទាក់ទងនគរបាលចរាចរណ៍ជើងគោករាជធានីមកធ្វើការវាស់វែងយករថន្តនិងម៉ូតូរួមទាំងម្ចាស់រថយន្តបង្កទៅរក្សាទុក្ខនៅការិយាល័យចរាចរណ៍ជើងគោករាជធានីរងចាំដោះស្រាយតាមច្បាប់។ ចំណែកសពនៅមិនទាន់រងសាច់ញាត្តិឃើញនៅឡើយទេរងចាំសមត្ថកិច្ចទំនាក់ទំនងមកយកទៅធ្វើបុណ្យតាមប្រពៃណី៕ សុខាសែនជ័យ