ភ្នំពេញ៖ ជនសង្ស័យម្នាក់ក្នុងចំណោមបក្ខពួក ២នាក់ត្រូវជនរងគ្រោះនិងសមត្ថកិច្ចដេញតាមចាប់ បានបន្ទាប់ពីពួកគេធ្វើសកម្មភាពឆក់ទូរសព្ទ័ ដៃពីជនរងគ្រោះមិនបានសម្រេចហើយជិះម៉ូតូទាក់ដៃចង្កូតម៉ូតូជនរងគ្រោះដួល
ហេតុការនេះបានកើតឡើងកាលពីវេលាម៉ោង ១និង០០នាទីរំលងអាធ្រាតឈានចូលថ្ងៃទី២៥ខែកក្ដដាឆ្នាំ២០១៧ នៅតាមបណ្ដោយផ្លូវម៉ៅសេទុងត្រង់ចំណុចមុខ សណ្ឋាគា អីនថាខន ស្ថិតក្នុងសង្កាត់ទំនប់ទឹកខណ្ឌចំការមន ។
ជនសង្ស័យដែលចាប់បានម្នាក់ មានឈ្មោះ ខន ឃៀង ភេទប្រុសអាយុ ១៩ឆ្នាំមុខរបរជាងម៉ូតូ ស្នាក់នៅសង្កាត់ទួលសង្កែខណ្ឌឫស្សី កែវ ភូមិដូងឃុំដូង ស្រុកបាទី ខេត្តតាកែវ។
ចំណែកជនរងគ្រោះ មានឈ្មោះ នី ងិប ភេទប្រុស អាយុ៣០ឆ្នាំមុខរបរបើកឡាន ស្នាក់បុរីភពថ្មីផ្លូវវេងស្រេង សង្កាត់ចោមចៅ ខណ្ឌពោធិសែនជ័យ ។
បើតាមសម្ដីជនរងគ្រោះបានប្រាប់ ឲ្យដឹងថា មុនពេលកើតហេតុរូបគាត់បានជិះម៉ូតូម៉ាក ឃ្លីក ពណ៌ក្រហមពាក់ស្លាកលេខភ្នំពេញCL-7424 ចេញមកពីញាំនំបញ្ចុកនៅផ្សារដើម គ ខណៈ មកដល់ចំណុចកើតហេតុគាត់ បានឈប់ម៉ូតូអែបចញ្ចើមផ្លូវយកទូរសព្ទ័ចុចមើលព័ត៌មានលុះពេលកំពុងមើលស្រាប់តែ មានជនសង្ស័យ២នាក់ជិះម៉ូតូ១គ្រឿងម៉ាក ស៊ុយសាគីលែត ពណ៌ ស ពាក់ស្លាកលេខ តាកែង1N-4669 បានជិះមកក្បែហើយធ្វើ សកម្មភាពឆក់យកទូរសព្ទ័ដៃតែមិនបានសម្រេច ពេលនោះជនសង្ស័យបានជិះម៉ូតូទាក់ដៃចង្កូតបណ្ដាលអោយដួលត្រូវជនរងគ្រោះស្រែកចោរៗ ស្របពេលដែលកម្លាំងសមត្ថកិច្ច កំពុងល្បាតនៅទីនោះបានលឺក៏ដេញតាមចាប់បានម្នាក់ ចំណែកម្នាក់ទៀតរត់ គេចខ្លួនបាត់ស្រមោ បន្សល់ទុកនៅម៉ូតូដែល ជិះធ្វើសកម្មភាពនៅនិងកន្លែងកើតហេតុ។
ក្រោយមកសមត្ថកិច្ចបាននាំយកមកធ្វើការសាកសួរនៅប៉ុស្តិទំនប់ទឹកនិងកសាងសុំណុំរឿងដើម្បីបញ្ចួនបន្តទៅកាន់ អធិការនគរ បាលខណ្ឌចំការមន ចាត់ការបន្តតាមនិតិវិធីច្បាប់ ៕ ដោយ៖ ភារ៉ា ដង្កោ
