ខេត្តកណ្តាល ៖ មានករណីបាញ់សម្លាប់មនុស្ស ពីសំណាក់ខ្មាន់កាំភ្លើងមិនស្គាល់អត្តសញ្ញាណ កើតឡើងនៅក្នុងភូមិជ័យជំនះ ឃុំសៀមរាប ស្រុកកណ្តាលស្ទឹង ។

ករណីនេះជំហានដំបូងសមត្ថកិច្ចសន្និដ្ឋានថា អាចជាករណីគំនុំ និងប្លន់ ។ យ៉ាងណា សមត្ថកិច្ចកំពុងបន្តការងារស្រាវជ្រាវ ។
ហេតុការណ៍បាញ់សម្លាប់មនុស្សបានកើត ឡើងកាលពីម៉ោង១រំលងអធ្រាត្រ ឈានចូលថ្ងៃទី២៨ ខែកក្កដា ឆ្នាំ២០១៧ ។

ជនរងគ្រោះឈ្មោះ កាំង វ៉េងហៀង ភេទប្រុស អាយុ៤៧ឆ្នាំ រស់នៅផ្ទះកើតហេតុខាងលើ ត្រូវចំនួន៣គ្រាប់ បណ្តាលឲ្យស្លាប់ភ្លាមៗនៅនឹងកន្លែង ៕ ស្អាងជ័យ