ខេត្តព្រះវិហារ ៖ លោកវរសេនីយ៍ត្រី ពេជ្រ សុភី មេបញ្ជាការកងរាជអាវុធហត្ថស្រុកជាំក្សាន្តបានដឹកនាំកម្លាំងចុះបង្ក្រាបករណីចែកចាយ និងរក្សាទុកថ្នាំញៀន ប្រភេទម៉ាទឹកកក ចំនួន ៣២កញ្ចប់ ឃាត់មនុស្ស៨នាក់ មានស្រី៥នាក់ និងកំពុងស្រាវ ជ្រាវបន្តការឆែកឆេរដើម្បីកសាងសំណុំរឿងបញ្ជូនបន្តទៅកងរាជអាវុធហត្ថខេត្តចាត់ការតាមនីតិវិធី ។
លោកវរសេនីយ៍ត្រី ពេជ្រ សុភី បានឲ្យដឹងថា ការចុះបង្ក្រាបករណីខាងលើប្រើកម្លាំង៩នាក់ ធ្វើឡើងនៅរសៀលម៉ោង៣និង១៥នាទី ថ្ងៃទី៥ ខែសីហា ឆ្នាម២០១៧ នៅចំណុចភូមិប្រគោល០៨ ឃុំស្រអែម ស្រុកជាំក្សាន្ត ខេត្តព្រះវិហារ ។
លោកវរសេនីយ៍ត្រី ពេជ្រ សុភី មេបញ្ជាការកងរាជអាវុធហត្ថស្រុកជាំក្សាន្តបានឲ្យដឹងបន្តថា ជនសង្ស័យទាំង៨នាក់រួមមានឈ្មោះដូចខាងក្រោម ៖
១-អ៊ុន ធឿន ភេទស្រី អាយុ៥៧ឆ្នាំ រស់នៅភូមិប្រគោល០៨ ឃុំស្រអែម
២-ហេង សុគន្ធា ភេទស្រី អាយុ៣៨ឆ្នាំ រស់នៅភូមិអូរទឹកថ្លា ស្រុកត្រពាំងប្រសាទ
៣-ឡែម សានីឌី ភេទស្រី អាយុ២១ឆ្នាំ រស់នៅភូមិត្រាំចាន ឃុំព្រះទ្យាយ
៤-សាំង ចន្ថា ភេទស្រី អាយុ២៣ឆ្នាំ រស់នៅភូមិប្រគោល០៨
៥-យ៉ុន បារាំង ភេទប្រុស អាយុ១៧ឆ្នាំ រស់នៅភូមិទួលប្រសើរ ឃុំពាក់អណ្តូង ស្រុកត្រពាំង ប្រសាទ
៦-ឃាត់ ធីតា ភេទស្រី អាយុ១៧ឆ្នាំ រស់នៅភូមិប្រគោល០៨ ឃុំស្រអែម
៧-ឃាត់ វណ្ណដា ភេទប្រុស អាយុ២២ឆ្នាំ រស់នៅភូមិប្រគោល០៨ ឃុំស្រអែម
៨-យ៉ុន ធា ភេទប្រុស អាយុ២៣ឆ្នាំ រស់នៅភូមិត្រាំចាន ឃុំព្រះទ្យាយ
ក្រោយការឃាត់ខ្លួនជនសង្ស័យទាំង៨នាក់រួមនិងវត្ថុតាងខាងលើ កម្លាំងបានកសាងសំណុំ រឿងបញ្ជូនបន្តទៅកងរាជអាវុធហត្ថខេត្តចាត់ការតាមនីតិវិធី ៕ វណ្ណៈ
