ភ្នំពេញ ៖ បុរសម្នាក់គេចខ្លួនត្រូវបាន កម្លាំងនគរបាលខណ្ឌ៧មករា ឃាត់ខ្លួន ចាប់ខ្លួនបន្ទាប់ពីក្រុមគ្រួសារនារីរងគ្រោះ ចោទប្រកាន់ពីបទ រំលោភសេពសន្ធវៈ មិនបានសម្រេច។ ហេតុការណ៍ឃាត់ខ្លួននេះបានធ្វើឡើងកាលពីវេលាម៉ោង៥និង៤០នាទីល្ងាចថ្ងៃទី៩ ខែសីហា ឆ្នាំ២០១៧ នៅចំណុចផ្ទះលេខ១១៨ ជាន់ទី១ ផ្លូវលេខ២៤២កែង១៦៣ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
ជនសង្ស័យមានឈ្មោះ ជួន ចាន់រី ភេទប្រុស អាយុ៣២ឆ្នាំ មានមុខរបរជាអង្គរក្ស មានលំនៅដ្ឋាន ផ្ទះលេខ៥cផ្លូវទី៣ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
នារីរងគ្រោះឈ្មោះ ដ រ ល ភេទស្រី៣៣ឆ្នាំ មុខរបរលក់ដូរ ស្នាក់នៅផ្ទះលេខ១១៨ ជាន់ទី១ ផ្លូវលេខ២៤២ កែង១៦៣ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
តាមចំលើយសារភាពរបស់ជនសង្ស័យចំពោះមុខនគរបាល បានអោយដឹងថា ខ្លួនមិនបានប្រព្រឹត្តនៅអំពើរំលោភសេពសន្ធវៈបែបនេះទេ ដោយកាលនោះ ផ្ទះរបស់នារីខាងលើត្រូវជាបងស្រីរបស់សង្សាររបស់ខ្ញុំ រួចហើយក៏ខ្ញុំ បានឃើញនារី ដេកនៅក្នុងបន្ទប់ ខណៈនោះនារីរងគ្រោះក៏ស្រែកចោទប្រកាន់ថាប៉ុងប៉ងចាប់រំលោភសេពសន្ធវៈតែម្ដង។
ក្រោយមកនារីរងគ្រោះក៏បានដាក់ពាក្យបណ្ដឹង ហើយក៏ត្រូវបាននគរបាលខណ្ឌ៧មករាឃាត់ខ្លួនតែម្ដង។ប្រភពបន្តពីនារីរងគ្រោះខាងលើបានរៀបរាប់ប្រាប់អោយដឹងថា មុនពេលកើតហេតុខាងលើជនសង្ស័យខាងលើដែលជាសង្សាររបស់ប្អូនស្រីខ្ញុំដោយតែងតែមកផ្ទះរបស់រហូត លុះមកម៉ោងកើតហេតុខាងលើជនសង្ស័យបានឡើងមកលើផ្ទះរបស់ខ្ញុំហើយបានចូលទៅមុជទឹកបន្ទាប់មកក៏បានទៅយកបៀរយ៉ាមួយកុំប៉ងមកផឹកហើយខ្ញុំក៏បានថើរទៅដេកក្នុងបន្ទប់ដេករបស់ខ្ញុំមួយសន្ទុះក្រោយមកស្រាប់តែជនសង្ស័យបានបើកទ្វាបន្ទប់ដេករបស់ខ្ញុំហើយបានលោតមកអោបរូបនាងខ្ញុំ ភ្លាមៗនោះរូបខ្ញុំក៏បានរើសបំរាស់ខ្លួនរួចហើយក៏បានរត់ចេញមកខាងក្រៅហើយក៏បានស្រែកអោយគេជួយតែមង្ត ក្រោយទើបរូបខ្ញុំបានតេទូរស័ព្ទទៅលោកអធិការខណ្ឌ៧មករា អោយជួយអន្តរាគមន៍ដើម្បីចាប់ខ្លួនជនសង្ស័យបានភ្លាមៗតែមង្ត។
ក្រោយពីសមត្ថកិច្ចឃាត់ខ្លួនជនសង្ស័យខាងលើរួចមកក៏បានធ្វើតេះទឹករកសារធាញៀនជនសង្ស័យពិតជាមានសារធាញៀនពិតប្រាកដមែន ។
បច្ចុប្បន្នជនសង្ស័យត្រូវបាននគរបាលព្រហ្មទណ្ឌខណ្ឌ៧មករានាំមកឃុំខ្លួនបណ្ដោះអាសន្ន ដើម្បីបញ្ជូនខ្លួនទៅអយ្យការអមសាលាដំបូងរាជធានីភ្នំពេញចាត់ការបន្ត ៕ ស រស្មី
