ភ្នំពេញៈកាលពីថ្ងៃទី ១៩ ខែ សីហា ឆ្នាំ ២០១៧កន្លងទៅ ប្រតិភូក្រសួងការពារជាតិ ដឹកនាំដោយលោកនាយឧត្តមសេនីយ៍ ជៀង អំ រដ្ឋលេខាធិការ ក្រសួងការពារជាតិ តំណាង សម្តេចពិជ័យសេនា ទៀ បាញ់ ឧបនាយរដ្ឋមន្ត្រី រដ្ឋមន្ត្រីក្រសួង ការ ពារជាតិ ព្រមទាំងប្រតិភូអមដំណើរបានអញ្ជើញដាក់កម្រងផ្កា គោរពវិញ្ញាណក្ខ័ន្ធ សពលោកឧត្តមនាវីឯក យិន ច័ន្ទឌី ព្រម ទាំងចូលរួមរំលែកទុក្ខយ៉ាងក្រៀមក្រំជាមួយនិងក្រុមគ្រួសារផង ។
សូមបញ្ជាក់ថាសពលោកឧត្តមនាវីឯក យិន ច័ន្ទឌី អគ្គលេខា ធិការរងនៃគណកម្មាធិការជាតិ សន្តិសុខលំហសមុទ្រ បានទទួលមរណភាពយប់ ថ្ងៃទី ១៧ ខែ សីហា ឆ្នាំ ២០១៧ វេលា ម៉ោង ១០និង៨ នាទីយប់ ក្នុងជន្មាយុ ៦០ ឆ្នាំ ដោយរោគាពាធ ។
សពលោក យិន ច័ន្ទឌី ត្រូវបានក្រុមគ្រួសារ រួមជាមួយអគ្គលេ ខាធិការ នៃគណៈកម្មាធិការជាតិ សន្តិសុខលហសមុទ្រ និងគណ:កម្មការរៀបចំបុណ្យសព បានតម្កល់ធ្វើបុណ្យទក្ខិណានុប្បទានទៅតាមប្រពៃណីព្រះពុទ្ធសាសនាខ្មែរយើង និងបែបពិធិការកងទ័ព នៅ គេហដ្ឋានគ្រួសារសព ផ្ទះលេខ១៤ A ផ្លូវលេខ៣៧១ (សឡា) សង្កាត់ អូរបែកក្អម ខណ្ឌសែនសុខ ពោធិ៍សែនជ័យ រាជ ធានីភ្នំពេញ ។ សពលោក យិន ចាន់ឌី នឹងដង្ហែទៅបូជានៅឈាបនដ្ឋានវត្តសារាវ័នតេជោ រាជធានីភ្នំពេញ នាព្រឹកថ្ងៃ ទី ២០ ខែ សីហា ឆ្នាំ ២០១៧ ។
បន្ទាប់ពីប្រតិភូអគ្គ លេខាធិការ នៃគណកម្មាធិការជាតិ សន្តិសុខ លំហសមុទ្រ អញ្ជើញដាក់កម្រងផ្កា គោរពវិញ្ញាណក្ខ័ន្ធចូលរួមរំលែកទុក្ខជាមួយក្រុមគ្រួសារសពរួចមក លោកឧត្តមសេនីយ៍ឯក សៅ សារឿន អគ្គនាយករង អគ្គនាយកដ្ឋានយោធសេវា ក្រសួង ការពារជាតិ ប្រធានអនុគណៈកម្មាធិការរៀបចំបុណ្យសពថ្នាក់ឧត្តមសេនីយ៍កងយោធពលខេមរភូមិន្ទ ព្រមទាំងប្រតិភូអម ដំណើរបានអញ្ជើញដាក់កម្រងផ្កា គោរពវិញ្ញាណក្ខន្ធ និងនាំយកថវិកាគោនយោបាយ របស់ក្រសួងការពារជាតិចំនួនជាង២៦លានរៀល ដើម្បីប្រគល់ជូនលោកស្រី តំណាងក្រុមគ្រួសារ សពលោកឧត្តមនាវី យិន ច័ន្ទឌី សម្រាប់រៀបចំធ្វើបុណ្យ ទៅតាមប្រពៃណីព្រះពុទ្ធសាសនាខ្មែរយើង និងបែបពីធីការកងទ័ព៕ សុខដុម
