ជារៀងរាល់ឆ្នាំ មានពលរដ្ឋប្រមាណ២ ទៅ៣លាននាក់ កាន់សាសនាអ៊ិស្លាមត្រូវ ធ្វើធម្មយាត្រា ទៅកាន់ព្រះវិហារ Mecca នៅប្រទេស សាវឌីអារ៉ាប៊ី។ ការធ្វើធម្មយា ត្រាគឺជា តួនាទីត្រូវតែធ្វើរបស់អ្នកកាន់ សាសនាអ៊ិស្លាម នៅលើពិភពលោក យ៉ាងហោចណាសក៏បានម្តងក្នុងមួយជីវិតដែរ។

ប៉ុន្តែដោយសារតែមានភាពតានតឹង រវាងកាតារនឹង សាវឌីអារ៉ាប៊ី លើផ្នែកនយោ បាយ ដោយសាវដីអារ៉ាប៊ី បានបិទច្រកព្រំដែនទាំងដែនទឹកនិងដែនគោក ទើបធ្វើឲ្យ ការតផ្ជាប់ ចរាចរណ៍ ទាំងផ្លូវគោកនិងផ្លូវអាកាសត្រូវរាំងស្ទះ។

ប៉ុន្តែក្រោយពេលដែលបានបើកច្រកព្រំដែនគោកជាមួយកាតារវិញ ប្រទេស សាវឌីអារ៉ាប៊ី បានប្រកាសថា ព្រះមហា​ក្សត្រ Salman បានស្នើឲ្យបញ្ជូនយន្តហោះដឹក ​ អ្នកដំណើររបស់ក្រុមហ៊ុនអាកាសចរណ៍សាវឌីអារ៉ាប៊ីទៅកាន់ប្រទេស​កាតារ ដើម្បីដឹកអ្នកធ្វើព្យុហយាត្រាមកកាន់ទីក្រុង Jeddah ដោយប្រាក់ចំណាយធ្វើដំណើរ ទាំងអស់ត្រូវបានព្រះមហាក្សត្រជាអ្នក ចំណាយ។

ប៉ុន្តែជើងហោះហើរដំបូង ពីសាវឌីអារ៉ា ប៊ី មិនបានសម្រេចឡើយដោយសារតែមិនទទួលបាន លិខិតអនុញ្ញាត ពីរដ្ឋាភិបាល កាតារឲ្យចុះចតនៅទីក្រុង ដូហា។ លោក Saleh Al Jasser អគ្គនាយកក្រុមហ៊ុន អាកាសចរណ៍ សាវឌី​អារ៉ាប៊ី បានឲ្យដឹងថា ក្រុមហ៊ុនបានដាក់លិខិតស្នើសំុចុះចតជាច្រើនថ្ងៃកន្លងមកហើយតែ មិនទាន់ទទួល បានការឆ្លើយតប។

ចំណែកកាតារវិញ មន្ត្រីអាកាសចរណ៍ កាតារ បានច្រានចោលការចោទប្រកាន់ ខាងលើ ដោយបញ្ជាក់ថា កាតារបាន ទទួលសំណើពីសាវឌីអារ៉ាប៊ី ហើយយើង ក៏បានឆ្លើយតបទៅវិញដែរ ដោយបញ្ជាក់ ថាភាគី សាវឌីអារ៉ាប៊ី ចាំបាច់ត្រូវតែសហការជាមួយក្រសួងពាក់ព័ន្ធ ស្តីពីអ្នកធ្វើ ព្យុហយាត្រា ហើយគោរពទៅតាម ច្បាប់ ដូចកាលពីមុន ។ពេលនោះ ក្រសួងគ្រប់ គ្រង អាកាសចរណ៍និងអនុញ្ញាតឲ្យចុះចតនៅកាតារ៕ ម៉ែវ សាធី