កាលពីថ្ងៃទី២៣ ខែសីហា សារព័ត៌ មាន KCNA របស់កូរ៉េខាងជើង បានផ្សព្វ ផ្សាយរូបភាព ស្តីអំពី ការទៅត្រួតពិនិត្យ ទីតាំង ស្រាវជ្រាវនិងផលិតមីស៊ីល របស់ មជ្ឈមណ្ឌល វិទ្យាសាស្ត្រការពារជាតិកូរ៉េ ខាងជើង។

រូបភាពទាំងនោះត្រូវបានប្រកាសជាសាធារណៈក្រោយពេល២ថ្ងៃ ដែលអាម េរិក និងកូរ៉េខាងត្បូង បានចាប់ផ្តើមធ្វើសម យុទ្ធ Ulchi Freedom Guardian ជាសមយុទ្ធប្រចាំឆ្នាំទ្រង់ទ្រាយធំរបស់ប្រទេស ទាំងពីរ ដោយមានទាហានរាប់មឺុននាក់ ចូលរួម។ កូរ៉េខាងជើងបានចាត់ទុកការធ្វើសមយុទ្ធនោះគឺជាសកម្មភាពត្រៀមឈ្លានពានទឹកដីកូរ៉េខាងជើង។

តាមរូបភាពខាងលើ អ្នកឯកទេសរបស់មជ្ឈមណ្ឌលស្រាវជ្រាវអន្តរជាតិ Monterey លោក James Martin ស្តីពីការមិនរីក សាយភាយអាវុធបរមាណូបាននិយាយថា សកម្មភាពខាងលើ គឺជាវិធីសាស្ត្រ ក្នុងការលាតត្រដាងឲ្យពិភពលោកបានដឹងដោយប្រយោលស្តីពីការរីកចម្រើន ក្នុងកម្មវិធី មីស៊ីលនិងបរមាណូរបស់ប្រទេស កូរ៉េខាងជើងនិងជាសារផ្ញើទៅកាន់អាមេរិកថា កូរ៉េខាងជើងមិនមែនគំរាមតែមាត់នោះឡើយ ។

នៅពេលនេះមេដឹកនាំកូរ៉េខាងជើង លោកគីម ជុនអ៊ុនបានបញ្ជាឲ្យផលិតបន្ថែមនូវម៉ូទ័រគ្រាប់មីស៊ីល និងគ្រាប់ក្បាលនុយ ក្លេអ៊ែរ ដើម្បីប្រឆាំងទៅនឹងប្រទេសល្មោភសង្គ្រាមអាមេរិក ។នៅពេលនេះ គឺជាការ សាកល្បងកម្លាំងគ្នា ព្រោះតាំងពីលោកត្រាំឡើងកាន់តំណែងប្រធានាធិបតីអាមេ រិកមក លោកគីម ជុនអ៊ុននៅមិនទាន់ដឹង ចិត្តលោកត្រាំពិតប្រាកដ និងពិបាកទាយ ថា តើនៅក្នុងល្បែងមួយនេះ លោកត្រាំ ហ៊ានដាក់លុយប៉ុន្មាន។ ពិតណាស់ថា ពេលនេះ ពោលតាំងពីលោកគីម ជុនអ៊ុនបានប្រកាសសម្រាកការសាកល្បងនុយក្លេអ៊ែរ និងគ្រាប់មីស៊ីលមក លោកត្រាំបានចាត់ទុកជាជោគជ័យមួយរបស់លោក និងហ៊ានទាំងប្រើទណ្ឌកម្មថ្មីប្រឆាំងកូរ៉េខាងជើងទៀតផង។

កូរ៉េខាងជើង នៅមិនទាន់បានឆ្លើយតបអ្វីនឹងទណ្ឌកម្មថ្មីរបស់អាមេរិក ឬមួយ ក៏ប្រតិកម្មរបស់លោកដូណាល់ ត្រាំពេល នេះទេ តែលោកគីម ជុនអ៊ុនផ្ទាល់ខ្លួនបានបង្ហាញឲ្យឃើញនាថ្ងៃពុធនេះនូវភាពចម្រើន ផ្នែកបច្ចេកវិទ្យានៃកម្មវិធីគ្រាប់មីស៊ីល និងកម្មវត្ថុពោរពេញដោយមហិច្ឆតានាពេលអនាគត។ នាឱកាសធ្វើទស្សនកិច្ចនៅក្នុង វិទ្យាស្ថានបរិក្ខារគីមីនៃសាលា វិទ្យាសាស្រ្តការពារដែលជាកន្លែងផលិតគ្រាប់មីស៊ីល លោកគីម ជុនអ៊ុនបានបញ្ជាឲ្យផលិតបន្ថែមនូវម៉ូទ័រកាំជ្រួច និងគ្រាប់ក្បាលនុយក្លេអ៊ែរក្រោមបច្ចេកវិទ្យាថ្មី។ កាយវិការរបៀបនេះ បញ្ជាក់ឲ្យឃើញថា លោកគីម ជុនអ៊ុនមិនមែនមិនខ្លាចការគំរាមរបស់លោកត្រាំ ប៉ុណ្ណោះទេ តែបែរជាពួនសំងំពង្រឹងកម្លាំងបន្ថែមទៅវិញ។

ជាការពិត កិច្ចចរចាមួយទល់មួយរវាងក្រុងវ៉ាស៊ីនតោន និងក្រុងព្យុងយ៉ាង គឺជាអ្វីដែលកូរ៉េខាងជើងបានទាមទារចង់បានយ៉ាងទទូចជាយូរមកហើយ។ តែគេមិនត្រូវ ភ្លេចនិយាយទេថា ភាគីទាំងពីរបន្តមិន ទុកចិត្តគ្នា និងបានដាក់លក្ខខណ្ឌឲ្យគ្នាទៅ វិញ ទៅមកដោយគ្មានអ្នកណាហ៊ានធ្វើ សម្បទានមុនឡើយ។ វ៉ាស៊ីនតោនថា ខ្លួន អាចចរចាបាន តែក្រុងព្យុងយ៉ាងត្រូវលះ​បង់កម្មវិធីនុយក្លេអ៊ែរ និងគ្រាប់មីស៊ីល ជាមុន។ ចំណែកក្រុងព្យុងយ៉ាងឆ្លើយបក វិញថា ខ្លួនអាចលះបង់បាន លុះត្រាតែ វ៉ាស៊ីនតោនឈប់គំរាមវាយប្រហារ និង ផ្តល់ជំនួយឲ្យខ្លួនជាមុន។

បច្ចុប្បន្នអាមេរិក កំពុងតែ «ត្បក ផងអង្អែលផង»ទៅលើមេដឹកនាំកូរ៉េខាងជើង ក្នុងការបញ្ចុះបញ្ចូល ប្រទេសនេះបោះបង់កម្មវិធីអាវុធដែលអាចគំរាមកំហែងដល់ អាមេរិក។កាលពីថ្ងៃ ទី២២ សីហា រដ្ឋបាលអាមេរិកាំងបានបង្កើនគំនាបដាក់កូរ៉េខាងជើងដោយបានអនុម័ត ទណ្ឌកម្មថ្មីក្នុង សំណុំរឿងនុយក្លេអ៊ែរ និងគ្រាប់មីស៊ីល។ ទន្ទឹមគ្នានេះ លោកប្រធានាធិបតីអាមេរិក ដូណាល់ ត្រាំបានចេញមុខប្រកាសក្តែងៗ ថា ការដំឡើងសាច់ដុំរបស់លោកដាក់ មនុស្សខ្លាំងកូរ៉េខាងជើងលោកគីម ជុន អ៊ុនពិតជាបានធ្វើឲ្យលោកគីម ជុនអ៊ុនខ្លប ខ្លាច និងចាប់ផ្តើមបញ្ចេញកាយវិការស្លូតបូត គោរពអាមេរិក។ រីឯប្រមុខការទូត អាមេរិកលោក Rex Tillerson បានឆ្លៀត បន្ថែមដោយកោតសរសើរពីភាពអត់ធ្មត់ របស់កូរ៉េខាងជើង។ តែចិនបានព្រមាន ត្រង់ៗថា វិធានការដាក់ទណ្ឌកម្មថ្មីរបស់ អាមេរិកនឹងរឹតតែធ្វើឲ្យស្ថានការណ៍ស្មុគស្មាញពិបាកដោះស្រាយ។

ការដែលចិនទើសទាល់ចិត្តខ្លាំងចំពោះ ទណ្ឌកម្មអាមេរិកដាក់លើ កូរ៉េខាងជើងក៏ដោយសារចិនខ្លួនឯងហាក់ដូចជាបានទទួលរងនឹង ទណ្ឌកម្មនោះផ្ទាល់ដែរ។ ចូរកុំភ្លេច ថា ទណ្ឌកម្មរបស់អាមេរិកដាក់លើកូរ៉េខាងជើងបានសំដៅជាពិសេសលើ ក្រុមហ៊ុន បរទេស ឬជនបរទេសចិន និងរុស្ស៊ីដែល កំពុងរកស៊ីជាមួយកូរ៉េខាងជើង។ គោល ដៅរបស់អាមេរិក គឺកាត់ផ្តាច់ចំណូលរបស់កូរ៉េខាងជើងពីក្រៅដើម្បីកុំឲ្យរបប កុម្មុយ នីស្តមួយនេះយកទៅអភិវឌ្ឍកម្មវិធីនុយក្លេអ៊ែរ និងកម្មវិធីគ្រាប់មីស៊ីល។ ម្យ៉ាងទៀត ចិនមិនយល់ស្របនឹងអាមេរិកដែលបាន អនុម័តតែម្នាក់នៅក្នុងបញ្ហានេះទេ និង យល់ថា ទង្វើរបៀបនេះនឹងរឹតតែធ្វើឲ្យរឿងដ៏រសើបមួយនេះពិបាកដោះស្រាយ។

នៅក្នុងទណ្ឌកម្មថ្មីដាក់លើកូរ៉េខាងជើង ក្រសួងសេដ្ឋកិច្ចអាមេរិកបានសំដៅលើក្រុមហ៊ុនចិន និងរុស្ស៊ីដែលរកស៊ីទិញ ធ្យូងថ្ម និងលោហធាតុជាច្រើនផ្សេងទៀតពីកូរ៉េខាងជើង។ តួលេខផ្តល់ដោយរដ្ឋបាលអាមេរិកាំងឲ្យដឹងថា ក្នុងចន្លោះឆ្នាំ ២០១៣ និង ២០១៦ ក្រុមហ៊ុនចិនបានទិញរ៉ែធ្យូងថ្មពីកូរ៉េខាងជើងក្នុងទឹកប្រាក់ ៥០០លាន ដុល្លារ។ ទឹកប្រាក់យ៉ាងសម្បើមនេះមិនត្រូវបានរបបក្រុងព្យុងយ៉ាងយកទៅ ចិញ្ចឹមពលរដ្ឋរបស់ខ្លួនដែលកំពុងអត់ឃ្លាននោះទេ តែបែរជាយកទៅអភិវឌ្ឍកម្មវិធីនុយក្លេអ៊ែរ និងកម្មវិធីគ្រាប់មីស៊ីលទៅវិញ។ នៅ ឯប្រទេសរុស្ស៊ីវិញ មានជនជាតិរុស្ស៊ី ៣ នាក់ រួមទាំងក្រុមហ៊ុនរុស្ស៊ីមួយបានទទួលទណ្ឌកម្មរបស់អាមេរិកក្នុងបទ លក់ប្រេងទៅឲ្យកូរ៉េខាងជើងជាថ្នូរនឹងការទិញលោហធាតុពី កូរ៉េខាងជើង។

ទណ្ឌកម្មថ្មីរបស់អាមេរិកដាក់លើកូរ៉េខាងជើងពេលនេះបានធ្វើឡើង ក្រោយពីទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិកាលពី ថ្ងៃទី៦ ខែសីហាដែលសំដៅបិទខ្ទប់ចំណូលរបស់ក្រុងព្យុងយ៉ាងដែលបានមកពីការលក់ ធ្យូងថ្ម ដែក និងក្នុងផ្នែកនេសាទ៕ ម៉ែវ សាធី