ភ្នំពេញ៖ មានករណីភ្ញាក់ផ្អើលមួយមុននេះបន្តិច កាលពីវេលាម៉ោង៨និង៤៥នាទីព្រឹក ថ្ងៃទី២៧ ខែសីហា ឆ្នាំ២០១៧ នៅចំណុចកំពង់ដ ស្វាយជ្រំ ស្ថិតក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។

សាក្សីនៅកន្លែងកើតហេតុ បានឲ្យដឹងថា មនុស្សនៅក្នុងរថយន្តគឺជាស្ត្រីជនជាតិបរទេស ត្រូវបានបើករថយន្តធ្លាក់ដ ចូលទឹកទន្លេ ហើយទឹកកួចបាត់ស្រមោលតែម្តង ត្រឹមមួយប៉ព្រិចភ្នែក ដែលសមត្ថកិច្ច និងអាជ្ញាធរ ជាមួយនឹងប្រជាពលរដ្ឋ កំពុងអន្តរាគមន៍ ប៉ុន្តែមិនទាន់ ឃើញរថយន្ត និងជនរងគ្រោះនៅឡើយទេ។

ព័ត៌មានបឋម ត្រូវបានគេដឹងថា ស្ត្របើកឡានធ្លាក់ទឹកកំពង់ដ ស្វាយជ្រំ ជាជនជាតិកូរ៉េ ឈ្មោះ គីម មានស៊ុក អាយុ៦៧ឆ្នាំ និងជាប្រធានមណ្ឌលសាសនាគ្រឹស្ទ ព្រែកតាកូវ ដែលតែងតែជួយបងប្អូនប្រជាពលរដ្ឋបែបមនុស្សធម៌៕ សុខ ខេមរា