ខេត្តកំពង់ចាម ៖ កម្លាំងការិយាល័យប្រឆាំងគ្រឿងញៀន សហការជាមួយកម្លាំងជំនាញអធិការដ្ឋាននគរបាល ស្រុកកំពង់សៀម ចុះបង្ក្រាបករណីរក្សាទុកដឹកជញ្ចូនដោយខុសច្បាប់នូវសារធាតុញៀន ឃាត់ខ្លួនជនសង្ស័យ ១នាក់ ។

ការចុះបង្ក្រាបធ្វើឡើងនៅថ្ងៃទី២៨ ខែសីហា ឆ្នាំ២០១៧ វេលាម៉ោង៥ ត្រង់ចំណុចរង្វង់មូលគល់ស្ពានគីហ្សូណា ស្ថិតក្នុងភូមិទី៤ សង្កាត់វាលវង់ ក្រុងកំពង់ចាម ខេត្តកំពង់ចាម ។

សមត្ថកិច្ចបានឲ្យដឹងថា ជនសង្ស័យឈ្មោះ ហួរ ឆៃរ៉ាត់ ភេទប្រុស អាយុ២៨ឆ្នាំ ជាតិខ្មែរ នៅភូមិទួលបេង ឃុំក្រឡា ស្រុកកំពង់សៀ់ម ខេត្តកំពង់ចាម មានមុខរបរ រត់រថយន្តឈ្នួល កំពង់ចាម-មេមត់ ។

ក្នុងនោះកម្លាំងចាប់យកបានវត្ថុតាងរួមមាន ៖ ម្សៅក្រាមពណ៌សង្ស័យថ្នាំញៀន១កញ្ចប់ ទម្ងន់១.៨៦ក្រាម ទាំងសំបកដែលលាក់ទុកក្នុងឡាំងសាវម៉ាវជារបស់បញ្ញើ និងរថយន្ត១គ្រឿង ម៉ាកសាំយ៉ុង ពណ៌ខៀវ ស្លាកលេខ ភ្នំពេញ 2AK 0694 ៕ វណ្ណៈ