ខេត្តកំពង់ចាម ៖ បុរសម្នាក់បានស្លាប់បាត់បង់ជីវិតភ្លាមៗនៅនិងកន្លែងកើតហេតុ ដោយសារគ្រោះថ្នាក់ចរាចរណ៍រថយន្តបុកម៉ូតូ ។
ហេតុការណ៍នេះបានកើតឡើងនៅវេលាម៉ោង១២នឹង២០នាទី ថ្ងៃទី១៣ ខែកញ្ញា ឆ្នាំ២០១៧នៅ នៅលើកំណាត់ផ្លូវជាតិលេខ៦ ចំនុចភូមិបាកាល ឃុំផ្អាវ ស្រុកបាធាយ ខេត្តកំពង់ចាម ។

លោក សំ ណាល់ អធិការនគរបាលស្រុកបាធាយ បានឲ្យដឹងថា ជនរងគ្រោះឈ្មោះ ញឹម សំណាង ភេទប្រុស អាយុ៥៣ រស់នៅភូមិ ផ្អា ឃុំផ្អាវ ស្រុកបាធាយកំពង់ចាម។ ជនរងគ្រោះបានបើកម៉ូតូមួយគ្រឿងម៉ាកសង់កូរេ ពណ៍ក្រហម គ្មានផ្លាកលេខទិសដៅ ឆ្លងថ្នល់ពីត្បូងទៅជើង ហើយក៏ត្រូវរថយន្តម៉ាក់តូពិច ពណ៍ខៀវ ផ្លាកលេខភ្នំពេញ2L-0954 ដឹកមាន់ពេញ បុកពេញទំហឹងបណ្តាលឲ្យស្លាប់ភ្លាមៗនៅនឹងកន្លែង ចំណែកអ្នកបើកបររថយន្តក្រោយកើតហេតុបានរត់គេចខ្លួនបាត់។

ក្រោយពេលកើតហេតុសមត្ថកិច្ចមូលដ្នានបានចុះមកវាស់វែង នឹងឃាត់យករថយន្តបង្កនិងម៉ូតូជនរងគ្រោះយកទៅរក្សាទុកនៅអធិដ្ឋាននគរបាលស្រុកបាធាយ ដើម្បីរង់ចាំដោះស្រាយតាមនិតីវិធី ចំណែកឯសពជនរងគ្រោះសមត្ថកិច្ចបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕ វណ្ណៈ