ខេត្តស្វាយរៀង ៖ កម្លាំងនគរបាលការិយាល័យប្រឆាំគ្រឿងញៀន សហការជាមួយកម្លាំងអធិការនគរបាលស្រុកស្វាយជ្រំ ធ្វើការបង្ក្រាបករណីជួញដូ រក្សាទុកគ្រឿង ញៀន ឃាត់ខ្លួនជនសង្ស័យបានម្នាក់និងដកហូតបានម្ស៉ៅក្រាមព័ណសថ្លា សង្ស័យគ្រឿង ញៀនចំនួន៧៥កញ្ចប់ ។
ការចុះបង្ក្រាបនេះបានធ្វើឡើងកាលពីវេលាម៉ោង១១ព្រឹកថ្ងៃទី២៥ខែកញ្ញាឆ្នាំ២០១៧នៅភូមិថ្មស ឃុំ ស្វាយជ្រំ ស្រុកស្វាយជ្រំ។
យោងតាមសមត្ថកិច្ចនគរបាលស្រុកបានអោយដឹងថាជនសង្ស័យដែលឃាត់ខ្លួន ឈ្មោះហ៊ីង សុខ ភេទ ប្រុស អាយុ ៣៨ ឆ្នាំ មុខរបរមិនពិតប្រាកដ មានទីលំនៅនៅភូមិថ្មស ឃុំ ស្វាយជ្រំ ស្រុកស្វាយជ្រំ ។
បន្ទាប់ពីឃាត់ខ្លួនសមត្ថកិច្ចនគរបាលក៏បាន ដកហូតវត្ថុតាងរួមមាន:
ម្ស៉ៅក្រាមព័ណសថ្លា សង្ស័យគ្រឿង ញៀនចំនួន ៧៥ កញ្ចប់ ធំ២ ទម្ងន់ ៥១.៣ក្រាម ,ដុំរឹងព៌ណសថ្លា១ដុំ , ជញ្ជីងថ្លឹងថ្នាំញៀន១ គ្រឿង , ទូរស័ព្ទដៃ ២ គ្រឿង , ប្រាក់ដុល្លា ៦៩ $ ប្រាក់រៀល៦០.០០០រៀល ។
ប្រភពបន្តថា ក្រោយពីកំណត់មុខសញ្ញានិងសើបអង្កេតរួចមកកម្លាំងការិយាល័យប្រឆាំគ្រឿងញៀននៃស្នងការដ្ឋានគរបាលខេត្តបាន សហការជាមួយកម្លាំងអធិការនគរបាលស្រុកស្វាយជ្រំ ធ្វើ ការបង្ក្រាបករណីជួញដូ រក្សាទុកគ្រឿង ញៀន និងឃាត់ខ្លួនបានជនសង្ស័យម្នាក់និងថ្នាំញៀនបានមួយចំនួនធំ ។
បច្ចុប្បន្នជនសង្ស័យត្រូវបានសមត្ថកិច្ចនគរបាលបានកំពុងកសាងសំណុំរឿងដើម្បីបញ្ជូនទៅស្នងការដ្ឋានគរបាលខេត្តស្វាយរៀងចាត់ការតាមច្បាប់ ៕ យឹម សុថាន
