ខេត្ដស្ទឹងត្រែង៖ រថយន្ដឡង់គ្រីស័រ មួយគ្រឿងបានក្រឡាប់ធ្លាក់ចូលទឹក សង្ស័យអ្នកបើកបរមានការធ្វេសប្រហែស ក៏ជ្រុលចង្កូតបែបនេះ ខណៈមិនអាច ម្ចាស់ការខ្លួនឯងបាន ប៉ុន្ដែគ្រោះថ្នាក់ ចរាចរនេះមិនបណ្ដាលឱ្យអ្នកបើកបរ និងអ្នករួមដំណើរគ្រោះថ្នាក់នោះឡើយ ។
ហេតុការណ៍ខាងលើនេះ បានកើត ឡើងកាលពីវេលាម៉ោង៨និង១៥នាទី ព្រឹកថ្ងៃទី១៥ ខែតុលា ឆ្នាំ២០១៥ នៅ ចំណុចវាលប៉ារ៉ា ឋិតក្នុងភូមិណាអូរ ឃុំ ស្រែសម្បូរណ៍ ស្រុកសៀមប៉ាង ខេត្ដ ស្ទឹងត្រែង ។
សមត្ថកិច្ចស្នាក់ការសន្ដិសុខលេខ ៧៤៧បានឱ្យដឹងថា អ្នកបើកបររថយន្ដ ជួបគ្រោះថ្នាក់ចរាចរមានឈ្មោះលាង សុខុន ភេទប្រុស អាយុ៤២ឆ្នាំ រស់នៅ ខេត្ដកំពង់ស្ពឺ បើកបររថយន្ដម៉ាកឡង់គ្រី ស័រ ពណ៌ទឹកមាស ពាក់ស្លាកលេខភ្នំពេញ A2-2889 ។
សមត្ថកិច្ចបន្ដថា ករណីនេះអាច បណ្ដាលមកពីអ្នកបើកបរក្នុងល្បឿន លឿន ហើយបានជ្រុលចង្កូតក្រឡប់ចូល ទឹកផ្ងារជើងមួយចំហៀង ប៉ុន្ដែសំណាងល្អ មិនបណ្ដាលឱ្យមនុស្សគ្រោះផថ្នាក់ឡើយ ៕
ដោយ៖ សុខខេមរា
