ភ្នំពេញ ៖ រថយន្តទំនើបម៉ាកFord ដែលបើកដោយបុរសម្នាក់ស្រវឹងស្រា ធ្វើដំណើក្នុងល្បឿនយ៉ាងលឿន ហើយរេចង្កូតជ្រុលបុកលូ ដែលធេី្វជារបាំងផ្លូវបណ្ដាល ឲ្យរថយន្តបង្ករងការខូចខាតផ្នែកខាងមុខទាំងស្រុងតែម្ដង ។

ករណីគ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង ០១យប់ រំលងអធ្រាត្រ ថ្ងៃទី៣០ ខែកញ្ញា ឆ្នាំ២០១៧ នៅតាមបណ្តោយផ្លូវ៤៣០ ស្ថិតក្នុង សង្កាត់ផ្សារដេីមថ្កូវ ខណ្ឌ ចំការមន រាជធានីភ្នំពេញ ។

ប្រភពព័ត៌មានពីកន្លែងកើតហេតុ បានឱ្យដឹងថា រថយន្តបង្កខាងលើម៉ាកford ពណ៌ទឹកក្រូច អត់ពាក់ស្លាកលេខ បើកបរ ដោយបុរសម្នាក់ វ័យជាង៤០ឆ្នាំ ហើយស្រវឹងស្រា បានធ្វើដំណើតាមបណ្តោយផ្លូវបេតុង ទិសដៅ ពីជេីង ទៅត្បូង ក្នុងល្បឿនយ៉ាងលឿន ។លុះមកដល់ចំណុចកើតហេតុរថយន្តបង្កក៏បានរេចង្កូត បុកលូ ដែលដាក់បាំងផ្លូវ ទេីបចាក់បេតុងរួច បណ្ដាលឲ្យរងការខូចខាតយ៉ាងដំណំទាំងរថយន្តបង្កនិងលូ ។ បន្ទាប់ពីកើតហេតុភ្លាមៗ រថយន្តបង្កបានបេីកទៅមុខ តែមិនរួច ទើបអ្នកបើកបរចុះពី រថយន្តព្យាយាម រត់គេចចខ្លួនបាត់ស្រមោលតែម្ដង ។

ក្រោយមក សមត្ថកិច្ចមូលដ្ឋានបានចុះមកដល់កន្លែងកើតហេតុ ហើយធ្វើការវាស់វែងយករថយន្តបង្កខាងលើ ទៅរក្សាទុក នៅការិយាលយ័ចរាចរណ៍ ផ្លូវគោករាជធានីភ្នំពេញ រងចាំដោះស្រាយ គ្នាទៅតាមផ្លូវច្បាប់ ៕