ខេត្ដរតនគិរី៖ កម្លាំងមេព្រៃផ្នែក ស្រុកអូរជុំបានសហការជាមួយនឹងនគរ បាលស្រុកអូរជុំចាប់បញ្ជូនគោយន្ដ១ គ្រឿងដឹកឈើប្រណីតរួចបញ្ជូនទៅស្នាក់ការខណៈម្ចាស់គោយន្ដមានប្រតិកម្ម ចោទប្រកាន់ថាបានរត់ការបង់លុយឱ្យ មន្ដ្រីមេព្រៃផ្នែកអូរជុំនិងសមត្ថកិច្ច មួយចំនួនរួចហើយនោះ។
ជាមួយនឹងប្រតិកម្មរបស់ម្ចាស់គោយន្ដដឹកឈើនេះត្រូវបានលោក មូល សំវ៉ាង នាយផ្នែករដ្ឋបាលព្រៃឈើអូរជុំ បានបដិសេធថា មន្ដ្រីរបស់លោកមិន បានឃុបឃិតទទួលប្រាក់ពីឈ្មួញរកស៊ី ដឹកឈើតាមគោយន្ដនេះទេ។
តាមទូរស័ព្ទនៅព្រឹកថ្ងៃទី១៦ តុលា លោកបានបញ្ជាក់ថា គោយន្ដដែលមន្ដ្រី របស់លោកសហការជាមួយនគរបាល ស្រុកអូរជុំចាប់មកនេះនឹងបញ្ជូនទៅ ខណ្ឌរដ្ឋបាលព្រៃឈើខេត្ដដើម្បីចាត់ការ ទៅតាមផ្លូវច្បាប់។
គួររំឭកថា កាលពីថ្ងៃទី១៤ ខែតុលា ឆ្នាំ២០១៥ មានគោយន្ដមួយគ្រឿងដឹក ឈើធ្នង់បានដាច់កាឡេខូចនៅក្បែរអធិ ការដ្ឋាននគរបាលស្រុកអូរជុំ និងផ្នែក រដ្ឋបាលព្រៃឈើអូរជុំ លើកំណាត់ផ្លូវ ជាតិលេខ៧៨A ។ ពេលនោះកម្លាំងនគរ បាលស្រុកអូរជុំសហការជាមួយនឹងមន្ដ្រី ផ្នែករដ្ឋបាលព្រៃឈើអូរជុំចាប់បញ្ជូនទៅ ស្នាក់ការផ្នែករដ្ឋបាលព្រៃឈើអូរជុំ ដើម្បីចាត់ការតាមច្បាប់។
អ្វីដែលប្រជាពលរដ្ឋនៅក្បែរកន្លែង កើតហេតុមានការហួសចិត្ដនោះគឺ ម្ចាស់គោយន្ដដឹកឈើដែលគេស្គាល់ថា ជាប្រពន្ធរបស់មេឈ្មួញឈ្មោះ ធី រកស៊ី ដឹកឈើជាច្រើនឆ្នាំមកហើយនោះបាន ប្រាប់អ្នកយកព័ត៌មានថា “ប្ដីខ្ញុំបានរត់ ការបង់លុយឱ្យសមត្ថកិច្ចនិងមន្ដ្រីរដ្ឋ បាលព្រៃឈើតាមផ្លូវនេះអស់ហើយ អីឡូវពេលរថយន្ដខូចមកចាប់យ៉ាង ម៉េច?”
គួរបញ្ជាក់ថា គោយន្ដដែលមន្ដ្រីរដ្ឋ*បាលព្រៃឈើផ្នែកអូរជុំចាប់បញ្ជូនទៅ ខណ្ឌរដ្ឋបាលព្រៃឈើខេត្ដនេះ នៅពីខាង លើមានក្ដារបន្ទះគ្របពីលើឈើប្រណីត ប្រភេទធ្នង់ជាច្រើន ប៉ុន្ដែគេពុំដឹងថា មានប៉ុន្មានម៉ែត្រគូបនោះទេ។
ជុំវិញការចាប់គោយន្ដដឹកឈើប្រណីតដាច់ការឡេខូចនេះត្រូវបានប្រជាពលរដ្ឋ លើកឡើងថា បើមិនឱ្យមន្ដ្រីមេព្រៃផ្នែក អូរជុំនិងនគរបាលស្រុកអូរជុំចាប់ម្ដេច កើតព្រោះបើវាខូចនៅក្បែរច្រមុះពេក។ ហើយបើមិនចាប់ទេនោះវារឹតតែគេ សង្ស័យខ្លាំងថែមទៀត ទោះជាមន្ដ្រីទាំង នោះបានទទួលសំណូករត់ការដឹកឈើ របស់មេឈ្មួញរកស៊ីឈើឈ្មោះ ធី នេះក៏ ដោយ។
ប្រជាពលរដ្ឋបានឱ្យដឹងដែរថា ឈ្មួញ រកស៊ីដឹកឈើប្រណីតឈ្មោះ ធី នេះបាន ដឹកជញ្ជូនឈើជាច្រើនឆ្នាំមកហើយយក ទៅលក់នៅប្រទេសជិតខាង តែមិនត្រូវ បានបង្ក្រាបពីសមត្ថកិច្ចនិងមន្ដ្រីរដ្ឋបាល ព្រៃឈើផ្នែកអូរជុំនេះទេហើយកុំតែគោយន្ដមេឈ្មួញខាងលើនេះដាច់កាឡេខូច ម្ល៉េះទាល់តែសេះដុះស្នែងក៏មិនបង្ក្រាបដែរ ៕
ដោយ៖ អ៊ុច សាវុទ្ធ
