ភ្នំពេញ ៖ ព្រឹកថ្ងៃទី ០៦ ខែតុលា ឆ្នាំ២០១៧ រដ្ឋបាលខណ្ឌសែនសុខ បានបន្តការងារលាងសម្អាតផ្លូវ ១៩២៨ ស្ថិតក្នុងភូមិបាយ៉ាប សង្កាត់ភ្នំពេញថ្មី។
លោក ខា សុគន្ធ មន្ត្រីសាលាខណ្ឌសែនសុខដែលដឹកនាំក្រុមការងារលាងសម្អាតផ្លូវនាព្រឹកនេះបានអោយដឹងថា៖ដោយបានទទួលការណែនាំរបស់លោក ម៉ូវ ម៉ានិត អភិបាលនៃគណៈអភិបាលខណ្ឌបានអោយលោកដឹកនាំក្រុមការងារធ្វើការលាងសម្អាតផ្លូវសំខាន់ៗនៅក្នុងខណ្ឌអោយបានស្អាតដើម្បីកាត់បន្ថយនូវធូលីដីដែលធ្វើអោយប៉េះពាល់ដល់បរិដ្ឋាននិងបងប្អូនប្រជាពលរដ្ឋដែលមានលំនៅដ្ឋានតាមដងផ្លូវខាងលើនោះរួមទាំងអ្នកធ្វើដំណើរផងដែ។
លោក ខា សុគន្ធ មន្ត្រីសាលាខណ្ឌបានបន្តទៀតថា៖ ដោយមានការប្រជុំបែងចែកភារកិច្ចអោយមន្ត្រីក្រោមឱវាទនិងបានអោយលោកដឹកនាំក្រុមការងារធ្វើការលាងសំអាតផ្លូវក្នុងមូលដ្ឋានខណ្ឌមានដូចជាផ្លូវសម្តេចជាសុីម ផ្លូវលោកឧញ្ញ៉ាម៉ុងរទ្ធី ផ្លូវភ្នំពេញហាណូយជាដើមក្នុងមានរថយន្តលាងសម្អាតរបស់សាលាខណ្ឌសែនសុខនិងរថយន្តរបស់ក្រុមហ៊ុនសុីនទ្រីផងដែរ ៕ តុង សីហា
